Gujarati News

મુંબઇ,તા. ૧: સિનેમાઘરો બંધ થવાને કારણે મોટાભાગની ફિલ્‍મો OTT પ્‍લેટફોર્મ પર રિલીઝ થઈ હતી. આવી સ્‍થિતિમાં આ વર્ષે પણ ઘણી ફિલ્‍મો રિલીઝ થઈ છે. આમાંથી કેટલીક ફિલ્‍મો થિયેટરોમાં અને કેટલીક OTT પ્‍લેટફોર્મ પર રિલીઝ થઈ હતી. પરંતુ આમાંથી કેટલીક ફિલ્‍મો જ દર્શકોના દિલમાં જગ્‍યા બનાવી શકી છે. જયારે કેટલીક ફિલ્‍મો એવી હતી કે તે ક્‍યારે આવી અને ક્‍યારે ગઈ તે લોકોને ખબર પણ ન પડી. આવો જાણીએ રિલીઝ થયેલી આવી જ ૫ નબળી પરફોર્મિંગ ફિલ્‍મો વિશે
રાધે : બોલિવૂડ સુપરસ્‍ટાર સલમાન ખાન સ્‍ટારર ફિલ્‍મ ‘રાધે' વર્ષ ૨૦૨૧ના સૌથી ખરાબ ફિલ્‍મોમાંથી એક છે. આ ફિલ્‍મને IMDB પર માત્ર ૧ રેટિંગ મળ્‍યું છે. ઈદ પર આવેલી સલમાન ખાનની આ ફિલ્‍મ મોટાભાગે ભાઈના ચાહકોને પસંદ આવી હતી.
હંગામા ૨: બોલિવૂડ ફિલ્‍મ ‘હંગામા'ના બીજા ભાગ ‘હંગામા ૨'ની લોકો આતુરતાથી રાહ જોઈ રહ્યા હતા. આ ફિલ્‍મ રિલીઝ થયા પછી પણ એટલી જ નિરાશાજનક હતી. લોકોને આ ફિલ્‍મ બહુ પસંદ આવી નથી. શિલ્‍પા શેટ્ટીએ પણ આ ફિલ્‍મ દ્વારા સિનેમામાં કમબેક કરવાનો પ્રયાસ કર્યો હતો, પરંતુ તેનો પ્રયાસ નિષ્‍ફળ ગયો
તડપઃ  સુનીલ શેટ્ટીના પુત્ર અહાન શેટ્ટીની ડેબ્‍યુ ફિલ્‍મ  તડપ પણ બોક્‍સ ઓફિસ પર ખાસ અસર બતાવી શકી ન હતી. તેલુગુ હિટ ફિલ્‍મની રિમેક બનેલી આ ફિલ્‍મને દર્શકો તરફથી સારો પ્રતિસાદ મળ્‍યો નથી. આ ફિલ્‍મમાં અહાન શેટ્ટી સાથે તારા સુતારિયા પણ લીડ રોલમાં જોવા મળી હતી.
બંટી ઔર બબલી ૨: સૈફ અલી ખાન અને રાની મુખર્જી સ્‍ટારર બંટી ઔર બબલી ૨ રાની-અભિષેકનો જાદુ જાળવી રાખવામાં નિષ્‍ફળ રહી. શર્વરી બાગ અને સિદ્ધાંત ચતુર્વેદીની જોડી આ ફિલ્‍મમાં કંઈ ખાસ કરી શકી નથી.
ગર્લ ઓન ધ ટ્રેનઃ અભિનેત્રી પરિણીતી ચોપડા, જે તેના દમદાર અભિનય માટે જાણીતી છે, પરંતુ આ વખતે તેની આ ફિલ્‍મ કંઈ ખાસ કરી શકી નથી.