Gujarati News

મુંબઈ: ફિલ્મ નિર્માતા ઓમ રાઉટની ફિલ્મ 'આદિપુરુષ' નું શૂટિંગ શરૂ થઈ ગયું છે. સૈફ અલી ખાન અને પ્રભાસે આ ફિલ્મનું શૂટિંગ 'શરૂ' કરી દીધું છે. પ્રભાસે ચાહકોને આ સમાચારની જાણકારી આપી. મંગળવારે તેણે ફિલ્મનું પોસ્ટર શેર કરતી વખતે 'આરંભ'લખ્યું હતું. આ સાથે તેણે સૈફ અલી ખાન, ઓમ રાઉટ, ભૂષણ કુમાર અને ટી સિરીઝને ટેગ કર્યા છે. આ સમયગાળાની ડ્રામા ફિલ્મ 11-08-2022 એટલે કે 11 ઓગસ્ટ 2022 ના રોજ રીલિઝ થશે. ફિલ્મની રિલીઝ ડેટ પછી 'આદિપુરુષ' વિશે ચાહકોનો ઉત્સાહ વધ્યો છે. ફિલ્મની વાર્તા વિશે વાત કરવામાં આવે તો તે પૌરાણિક પુસ્તક રામાયણ પર આધારિત છે. મીડિયા રિપોર્ટ્સ અનુસાર, પ્રભાસની ફિલ્મ 'આદિપુરુષ' માટે ઘણા મોટા સ્ટાર્સને સાઇન કરવામાં આવ્યા છે. ફિલ્મમાં પ્રભાસ અને સૈફ અલી ખાનની પુષ્ટિ થઈ છે, પરંતુ હિરોઇનનું નામ હજી નક્કી થયું નથી.