Gujarati News

કોરોનાને કારણે અનેક ફિલ્મોની રિલીઝ અટકી ગયેલી છે. દિપીકા પાદુકોણની તેના પતિ રણવીરસિંહ સાથેની ફિલ્મ ૮૬ પણ તેમાં સામેલ છે. જો કે કલાકારો સતત નવી ફિલ્મો સાઇન કરી જ રહ્યા છે. દિપીકા પાદુકોણને શકુન બત્રાની એક ફિલ્મ મળી છે. જેમાં તે ખાસ ભુમિકા નિભાવનારી છે. આ ફિલ્મમાં દિપીકાને ફિટનેસ ટ્રેનરનો રોલ મળ્યો છે. એક સેલિબ્રીટી ફિટનેસ ટ્રેનરના જીવન પર આ ફિલ્મ આધારીત છે. ગયા વર્ષે શકુન બત્રાએ દિપીકા પાદુકોણ, અનન્યા પાંડે, સિધ્ધાર્થ ચતુર્વેદી અને ધૈર્ય કારવા સાથેની એક ફિલ્મનું એલાન કર્યુ હતું. જેનું નામ હજુ નક્કી થયું નથી. આ ફિલ્મમાં જ દિપીકા ફિટનેસ ટ્રેનરનું પાત્ર ભજવશે તેવી ચર્ચા છે. આ એક રિલેશનશીપ ડ્રામા જોનરની ફિલ્મ છે. ફિલ્મમાં દિપીકા અને અનન્યા બે બહેનોના રોલમાં જોવા મળવાની છે. દિપીકા, સિધ્ધાર્થ અને ધૈર્ય વચ્ચે પ્રણય ત્રિકોણ હશે. એકસ્ટ્રા મેરિટલ અફેર પર આધારીત હોવાનું કહેવાય છે. રોમાન્સ, ઇમોશન એમ બધુ આ ફિલ્મમાં જોવા મળશે. દિપકાએ કહ્યું હતું કે શકુન  બધા કલાકારો પાસે સારામાં સારુ કામ કઢાવવા માટે જાણીતા છે.