Gujarati News

મુંબઇ,તા.૧૧: ૧૨ નવેમ્બરના રોજ, લગભગ દરેક OTT પ્લેટફોર્મ પર કોઈને કોઈ ફિલ્મ અથવા શ્રેણી રિલીઝ થઈ રહી છે. તેમાં હોલીવુડથી લઈને બોલિવૂડ સુધીની ફિલ્મો પણ સામેલ છે. હિન્દી સિનેમામાં ખલનાયકની ભૂમિકાથી સૌને ડરાવનાર ડેનીના પુત્ર રિન્જિંગ ડેંગઝોંગપાની ફિલ્મ Sqad ઉપરાંત કે.કે. મેનનની મીની-સિરીઝ પણ રિલીઝ થઈ રહી છે. આ સાથે હોલિવૂડ ફિલ્મ 'રેટ નોટિસ' પણ પ્રદર્શિત થઈ રહી છે. તો ચાલો જોઈએ કે આ શુક્રવારે OTT પર કઈ ફિલ્મો સ્ટ્રીમ થવા જઈ રહી છે.

સૌથી પહેલા હિન્દી ફિલ્મોની વાત કરીએ. વરિષ્ઠ બોલિવૂડ એકટર ડેનીના પુત્ર રિનજિંગ ડેંગઝોંગપાની પહેલી ફિલ્મ ‘Sqad’ Zee 5 પર રિલીઝ થઈ રહી છે. આ ફિલ્મ તેના અભિનય કારકિર્દીની દિશા અને સ્થિતિ નક્કી કરશે.

 કે. કે. મેનન ડિઝની પ્લસ હોટસ્ટાર પર ૧૨ નવેમ્બરે જ પ્રસારિત થશે. મેનનની મુખ્ય ભૂમિકાવાળી મીની-સિરીઝ 'સ્પેશિયલ ઓપ્સ ૧.૫' રિલીઝ થઈ રહી છે. તે નિર્દેશક નીરજ પાંડે દ્વારા નિર્દેશિત છે.

'રેટ નોટિસ' આ શુક્રવારે નેટફ્લિકસ પર પણ રિલીઝ થઈ રહી છે. આમાં ગેલ ગેડોટ, ડ્વેન જોન્સન અને રેયાન રેનોલ્ડ્સ જેવા કલાકારોએ મુખ્ય ભૂમિકા ભજવી છે. એકશન અને કોમેડીથી ભરપૂર આ ફિલ્મ તમે માણી શકો છો.

જે લોકો એડવેન્ચર મૂવીઝ પસંદ કરે છે તેમના માટે 'જંગલ ક્રૂઝ' ૧૨ નવેમ્બરથી ડિઝની પ્લસ હોસ્ટર પર સ્ટ્રીમ કરવામાં આવશે.

 હોમ સ્વીટ હોમ અલોન આ શુક્રવારે ડિઝની પ્લસ હોટસ્ટાર પર પણ રિલીઝ થઈ રહ્યું છે. બાળકોને આ ખૂબ જ ગમશે.