Gujarati News

મુંબઈ: ફરી સિને ઈન્ડસ્ટ્રીમાંથી દુઃખદ સમાચાર મળ્યા. તાજેતરમાં, નિર્માતા નિર્દેશક, અભિનેતા સતીશ કૌશિકના અવસાનથી સિને ઉદ્યોગ હજી સાજો થયો ન હતો કે આજે ફરી એક દુઃખદ સમાચાર મળ્યા. પ્રથમ સમાચાર માધુરી દીક્ષિતની માતા સ્નેહ લતા દીક્ષિતના અવસાન અંગેના હતા અને બીજા સમાચાર મલયાલમ ફિલ્મોના જાણીતા સંગીતકાર એનપી પ્રભાકરનના મૃત્યુ અંગેના હતા. માધુરી દીક્ષિતની માતાનું 12 માર્ચે સવારે નિધન થયું હતું. 91 વર્ષની વયે તેમણે દુનિયાને અલવિદા કહી દીધું. માધુરી દીક્ષિતના પારિવારિક મિત્ર રિક્કુ રાકેશ નાથે આ માહિતી આપી હતી. જ્યારે માધુરી અને તેના પતિ શ્રીરામ નેનેએ આ દુઃખદ સમાચાર શેર કર્યા છે. નિવેદનમાં, તેમણે લખ્યું - અમારી પ્રિય આયી, સ્નેહ લતા દીક્ષિતનું આજે સવારે તેમના નજીકના લોકો વચ્ચે શાંતિપૂર્ણ રીતે નિધન થયું. જો મીડિયાની વાત માનીએ તો તેમના અંતિમ સંસ્કાર વરલી સ્મશાન ભૂમિમાં બપોરે 3 થી 4 દરમિયાન કરવામાં આવશે.