Gujarati News

Gujarati News

News of Wednesday, 16th September 2020

જબરદસ્ત એકશન કરતી જોવા મળશે શ્રીયા

અભિનેતા પિતા સચીન અને અભિનેત્રી માતા સુપ્રિયાની દિકરી શ્રીયા પિલગાંવકરમાં અભિનયના ગુણ માતા-પિતામાંથી ઉતરી આવ્યા છે. ફિલ્મો અને વેબ સિરીઝમાં કામ કરી જાણીતી બનેલી શ્રીયા હવે જબરદસ્ત  જાસૂસી થ્રિલર ક્રાઇમ સિરીઝ 'ક્રેકડાઉન'માં કામ કરી છે. જેમાં તે સાધારાણ મહારાષ્ટ્રીયન યુવતિ દિવ્યાનો રોલ નિભાવી રહી છે. દિવ્યાની કઇ રીતે બળજબરીથી એક ખતરનાક મિશનમાં સામેલ કરી દેવામાં આવે છે તેની કહાની છે. નિર્દેશક અપુર્વ લાખીયાની આ સિરીઝમાં અભિનેતા શાકિબ સલિમ મુખ્ય રોલમાં છે. કહાની એક મિશન પર આધારીત છે. શ્રીયા પહેલી જ વખત એકશન કરતી પણ જોવા મળશે. તે કહે છે આ રોલ મને મળતાં હુ ખુબ જ ઉત્સાહિત છું. લોકો મને જોરદાર એકશન કરતી જોઇ શકશે. પહેલેથી જ મને એકશન થ્રિલર પસંદ છે અને મને હવે આ રોલ મળ્યો છે. ક્રેકડાઉન મને મળતાં મારી ઇચ્છા પુરી થઇ છે. મને આ રોલ માટે પસંદ કરવામાં આવી એ માટે હું અપુર્વ અને જાવેદની આભારી છું. શ્રીયા છેલ્લે લોકડાઉનમાં ઘરમાં રહીને શુટીંગ કરી બનાવાયેલા શો ધ ગોન ગેમમાં જોવા મળી હતી. રાણા દગુબાતી સાથે તે હાથી મેરે સાથીમાં પણ તે જોવા મળશે.

(10:23 am IST)
  • ચીન સામેના યુદ્ધમાં પ્રાણોની આહુતિ આપવા માટે પીછેહટ નહિ કરીએ :શિયા ધર્મગુરૂએ વડાપ્રધાનને લખ્યો પત્ર : ઇમામ-એ-જુમા અને શિયા ધર્મગુરૂ મૌલાના કલ્બે જવાદે કહ્યું કે લેહ અને લદ્દાખના શિયા મુસ્લિમ ભારતની સાથે અને ચીનની વિરુદ્ધ દરેક પગલા પર ઉભા રહેશે: ભારતના કોઇ પણ નિર્ણયની સાથે અમારી કોમ એકતાથી તમામ મુદ્દા પર સમર્થન આપશે. તેના માટે જીવ ગુમાવવાનો વારો આવે તો પણ અમે જરા પણ ખટકાટ અનુભવીશું નહીં access_time 8:58 am IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST

  • મોડી રાત્રે અત્યારે કચ્છ બાજુ ભૂજ સહિતના વિસ્તારો ઉપર વાદળોના ગંજ ખડકાયા હોવાનું ઇન્સેટ તસ્વીરમાં દર્શાય છે. સૌરાષ્ટ્ર ઉપર પણ સામાન્ય વાદળાઓ મંડરાઈ રહયા છે access_time 10:50 pm IST