Gujarati News

અભિનેત્રી રવીના ટંડન બોલીવૂડમાં ઉપરાંત ટીવી પરદે પણ કામ કરી ચુકી છે. તે છેલ્લે ડિજીટલ પ્‍લેટફોર્મ પર વેબ સિરીઝમાં જોવા મળી હતી. તેની આ સિરીઝ લોકોને ખુબ ગમી હતી. રવિના ટંડનનું કહેવું છે કે તેણે વેબ સિરીઝ ‘અરણ્‍યક'માં મેં કામ કર્યુ એ પહેલા હું લગભગ વીસ જેટલી સિરીઝની સ્‍ક્રિપ્‍ટને ના પાડી ચુકી હતી. હું માત્ર અને માત્ર મહિલાઓના પાત્ર મજબૂત હોય તેવા જ રોલ કરવા ઇચ્‍છા ધરાવુ છું. મેં ડિજીટલ પ્‍લેટફોર્મ પર એન્‍ટ્રી કરી એ એક મહત્‍વનો હેતુ પાર પાડવાનો હતો.  સ્‍ટ્રોન્‍ગ મહિલા પાત્રવાળી સ્‍ટોરી મને ખૂબ જ પસંદ છે અને કન્‍ટેન્‍ટ આધારિત ફિલ્‍મ કરવી મને ગમે છે. મારે એક જ ટાઇપના રોલ કરવા નહોતાં. આથી મેં વીસ જેટલી કહાનીમાં કામ કરવાની ના પાડી એ ઓફરને ઠુકરાવી દીધી હતી. દર્શકો મને અલગ અલગ પાત્રથી ઓળખે એવા મારા પ્રયાસ છે. મારા જે પાત્ર ન ગમે તે માટે દર્શકો મને ના પણ કહી શકે છે.