Gujarati News

મુંબઈ, તા.૧૭: રોહિત શેટ્ટીની ફિલ્મોના શોખીન લોકો માટે સારા સમાચાર છે. સિંઘમ ૩ની જાહેરાત કરવામાં આવી છે. રોહિત શેટ્ટી હાલમાં કેપટાઉનમાં ખતરોં કે ખિલાડી ૧૨નું શૂટિંગ કરી રહ્યો છે. ત્યાં તેણે મીડિયાને જણાવ્યું કે સિંઘમના ત્રીજા હપ્તાની તૈયારીઓ શરૂ થઈ ગઈ છે. રોહિતે એ પણ જણાવ્યું કે ફિલ્મનું શૂટિંગ આવતા વર્ષે એિ-લથી શરૂ થશે. તેણે અજય દેવગણ સાથે ફિલ્મમાં કામ કરવાની વાત પણ કરી હતી. આ ફિલ્મનો પહેલો ભાગ ૨૦૧૧માં આવ્યો હતો, જેને લોકોએ ખૂબ પસંદ કર્યો હતો. તેની સિકવલ ૨૦૧૪માં આવી હતી, હવે ચાહકો લાંબા સમયથી ત્રીજા ભાગની રાહ જોઈ રહ્યા હતા.

અજય દેવગણ અને રોહિત શેટ્ટીના કોપ યુનિવર્સ ચાહકો આનંદ કરી શકે છે. મેકર્સે તેમને ધમાકેદાર એન્ટરટેઈનમેન્ટ આપવાની તૈયારી શરૂ કરી દીધી છે. રોહિત શેટ્ટીએ જણાવ્યું કે સિંઘમ ૩ પાઇપલાઇનમાં છે અને આવતા વર્ષે તેના પર કામ શરૂ થશે. રોહિત શેટ્ટીએ કહ્યું, હું સિંઘમના આગામી ચેપ્ટર પર ધ્યાન કેન્દ્રિત કરી રહ્યો છું. સર્કસ રિલીઝ થયા બાદ અમે એિ-લમાં ફિલ્મનું શૂટિંગ શરૂ કરીશું. સિંઘમ તકનીકી રીતે સિમ્બા અને સૂર્યવંશીનો એક ભાગ છે પરંતુ તે અજય સાથે લાંબા સમયથી કામ કરી રહ્યો છે.

છેલ્લી સિંઘમ ૨૦૧૪ માં આવી હતી અને તે સેટેલાઇટ પર ખૂબ જ પ્રિય ફિલ્મ છે. સમય બદલાઈ ગયો છે. કેનવાસ વિકસ્યો છે અને હું અજય સાથે કંઈક મોટું કરવા માંગુ છું. રોહિતે એ પણ ખુલાસો કર્યો કે તે મોટા પ્રોડકશન્સમાંની એક હશે. તે સમજાવે છે, બધું ઓવરલેપ થઈ ગયું છે. અમે ટૂંક સમયમાં સર્કસ રિલીઝ કરીશું. હું અહીં ખતરોં કે ખિલાડીનું શૂટિંગ કરી રહ્યો છું.