Gujarati News

અભિનેત્રી નિશા રાવલ ફરી ટીવી શોમાં કામે વળગી ગઇ છે. ડિવોર્સના ચક્કરમાંથી તે બહાર આવી ગઇ છે અને હવે ઝી ટીવીના શો 'મીતમાં કામ કરી રહી છે. તે આ શોમાં મોૈસમનું પાત્ર ભજવી રહી છે. આ રોલ નેગેટિવ છે. નિશાએ કહ્યું કે આઠ વર્ષ પહેલાં મે છેલ્લો શો શશી સુમીત પ્રોડકશન સાથે કર્યો હતો અને હવે ટીવીમાં કમબેક પણ હું આ જ પ્રોડકશન હાઉસ દ્વારા કરી રહી છું. આથી જ મારા માટે 'મીત' વધુ સ્પેશ્યલ છે. તેમની સાથે કામ કરવાનો અનુભવ ખૂબ સારો રહ્યો છે અને એથી જ મારી કારકિર્દીમાં તેમની ભૂમિકા ખૂબ મહત્ત્વની છે. મારું પાત્ર ભલે વિલનનું છે પણ તેની પર્સનાલિટી ત્રાસ આપે તેવી નથી. મોૈસમ પોતે સલામતિ અનુભવી શકતી નથી. એથી જ બીજા લોકોને તે અલગ દેખાય છે.  મને હંમેશાં ગ્લેમરસ રોલ જ ઓફર કરવામાં આવતા હતા, પરંતુ સારી વાત છે કે એમાં હવે બદલાવ આવ્યો છે.