Gujarati News

વજન ઓછું કરવું મોટા ભાગના લોકો માટે એક ખરાબ સપના જેવું હોય છે, કારણ કે એ ખૂબ મુશ્કેલ છે. હું ફિટનેસને ખૂબ મહત્ત્વ આપું છું, પરંતુ આ વખતે મને પણ મુશ્કેલી પડી હતી. મેં ૧૩ કિલો વજન ઘટાડ્યું છે.  ટીવી શો 'તેરે બિના જિયા જાયે ના'માં પ્રિન્સ દેવરાજનો રોલ નિભાવી રહેલા અભિનેતા અવિનાશ રેખીએ આ વાત કરી હતી. આ શોની સ્ટોરી ક્રિષ્ણા ચતુર્વેદીની આસપાસ ફરે છે. તે પ્રિન્સ દેવરાજ સાથે પોતાની પરીઓની કહાનીની શરૂઆત કરવા માગતી હોય છે. આ પહેલાં કદી પણ મેં આટલુ ઝડપથી મારું વજન ઉતાર્યુ નહોતું. મને લાગે છે ચોક્કસ ડાયટ પ્લાન અને એકસરસાઇઝને અનુસરવાથી તમે ચોક્કસ પરિણામ મેળવી શકો છો.  હું ૨૪ કલાકમાં એક જ વાર જમતો હતો. મેં વજન ઘટાડવાની શરૂઆત કરી ત્યારે ખુબ તકલીફો પડી હતી. વજન ઘટાડ્યા પછી મેં નવી હેરસ્ટાઇલ અપનાવી હતી અને અલગ લૂક મેળવ્યો હતો.