Gujarati News

ટીવી પરદે ફરીથી નવા એપિસોડ શરૂ થઇ ગયા છે અને નવા શોની પણ એન્ટ્રીઓ થવા માંડી છે. સોની ટીવી પર હવે 'ઇન્ડિયાવાલી મા' નામનો શો આવી રહ્યો છે. આ શોમાં એ વાતની પ્રતિતી કરાવવામાં આવી છે કે ભલે તમે ગમે એટલા મોટા થઇ જાવ, તમારે કોઇપણ ઉમરે માતાની જરૂર હમેંશા પડવાની જ છે. આ સિરીયલમાં માતાનો રોલ અભિનેત્રી સુચેતા ત્રિવેદી ભજવી રહ્યા છે. અગાઉ સુચેતાએ બા બહૂ ઓૈર બેબીમાં મિનાક્ષી ઠક્કરનો રોલ નિભાવી ઘર-ઘરમાં ઓળખ ઉભી કરી હતી. છેલ્લે તે ગુજરાતી ફિલ્મ વેન્ટીલેટરમાં પણ જોવા મળી હતી. સુચેતાએ કહ્યું હતું કે ઇન્ડિયાવાલી મા સિરીયલમાં મારા પાત્રનું નામ કાકુ છે. આ એવી મા છે જે બાળકોની વાત આવે ત્યારે કોઇપણ પડકાર કે મુશ્કેલીઓનો સામનો કરવા તૈયાર હોય છે. મારું આ પાત્ર ખુબ જ ભાવુક અને ઉંડાણભર્યુ છે. શોમાં સુચેતાના પુત્રનો રોલ અભિનેતા અક્ષય મ્હાત્રે નિભાવી રહ્યો છે.  સાથે શીન દાસ, સુનિલ સિંઘ, સુભાંશી રઘુવંશી, વંદના લાલવાણી પણ ખાસ રોલમાં છે.