Gujarati News

સાઉથ સુપરસ્ટાર ધનુષના બોલીવૂડમાં પણ અસંખ્ય ચાહકો છે. ધનુષે હિન્દી ફિલ્મો પણ કરી છે. હવે તેની ફિલ્મ કર્ણનની ખુબ ચર્ચા છે. ધનુષની આ ફિલ્મની તેના ચાહકો આતુરતાથી રાહ જોઇ રહ્યા છે. ધનુષે ચાહકો માટે આ ફિલ્મની તારીખ રજૂ કરી દીધી છે. નવમી એપ્રિલના રોજ ફિલ્મ થિએટરોમાં રિલીઝ થશે. ધનુષના હાથ પર રહેલી અનેક મોટી ફિલ્મો પૈકીની આ એક છે. ફિલ્મના ડબિંગનું કામ પુરૂ થઇ ગયું છે. આ વિશેની જાણકારી ધનુષે આપી હતી અને સાથે એક તસ્વીર પણ મુકી હતી. જેમાં તે દમદાર દખાઇ રહ્યો છે. ફિલ્મનું નિર્માણ કલાઇપુલી એસ. નાથુએ કર્યુ છે. આ ફિલ્મમાં ધનુષ અને મારી પહેલી વખત સાથે આવ્યા છે. એકશનનો જોરદાર ડોઝ આ ફિલ્મમાં છે. તિરૂનેવલી પાસે બનેલી એક સત્ય ઘટના પર આ ફિલ્મ આધારીત છે. એકશન ડિરેકટર લાલ અને નટરાજન પણ ખાસ ભુમિકામાં જોવા મળશે.