Gujarati News

વાઘોડિયારોડ પર મહેશ કોમ્પલેક્સની પાછળ ભક્તિનગર સોસાયટીમાં રહેતા  સુષ્માબેન જગદીશભાઇ રાઠોડ મૂળ સુરતના અમરોલી વિસ્તારની હરિઓમ નગર સોસાયટીમાં  રહે છે.તેઓ વડોદરામાં પિતા સાથે  રહે છે.અને પાણીગેટ આયુર્વેદિક મહા વિદ્યાલયમાં એસોસિયેટ પ્રોફેસર તરીકે નોકરી કરે છે.ગત તા.૨૬ મી એ ડો.સુષ્માબેન રાજપીપળાના માંગરોળ ખાતે નર્મદા પરિક્રમા કરવા માટે તેઓ ગયા હતા.અને ત્યાંથી પરિક્રમા પૂર્ણ કરી તેઓ તા.૨૭ મી એ બપોરે બે વાગ્યે ઘરે પરત આવ્યા હતા.રાતે સાડા દશ વાગ્યે તેઓ મકાનના મુખ્ય દરવાજાને તાળું મારી ઊંઘી ગયા હતા.ગરમી હોય તેમણે રસોડાની જાળી બંધ કરીને તેમજ લાકડાનો દરવાજો ખુલ્લો રાખ્યો હતો.તે દરમિયાન ચોર ટોળકી ઘરમાંથી સોનાના ૩ તોલા ઉપરાંતના દાગીના, ચાંદીના દાગીના તેમજ રોકડા રૃપિયા ૨,૫૦૦  ચોરી ગયા હતા.જે અંગે ડોક્ટરે પાણીગેટ પોલીસ સ્ટેશનમાં ફરિયાદ નોંધાવી છે.