Gujarati News

(ભરત શાહ દ્વારા) રાજપીપળા : રાજપીપળા શહેરમાં નાંદોદ માલતદાર હસ્તક હિન્દૂ દેવસ્થાન કમિટીમાં આવતા કેટલાક વર્ષો જુના મંદિરો જર્જરિત હાલતમાં હોય જેમાં દરબાર રોડ સ્થિત લક્ષ્મી નારાયણ મંદિરની ચાલી અત્યંત જર્જરિત હાલતમાં હોય વારંવાર ઉપરથી જૂનો કાટમાલ પડતા ત્યાં વસવાટ કરતા લોકોના જીવ તાળવે ચોંટી જાય છે.આ જગ્યાએ ઘણા પરિવારો રહેતા હોય તેમના માથે જાણે મોત મંડરાતું જોવા મળે છે માટે તંત્ર સત્વરે આ બાબતને ગંભીરતાથી લઈ યોગ્ય કામગીરી કરે નહિ તો ભવિષ્યમાં કોઈનો ભોગ લેવાઈ શકે છે.