Gujarati News

Gujarati News

News of Friday, 11th June 2021

તોકતે વાવાઝોડા નુકસાની બાબતે સરકાર નર્મદા જિલ્લાના ખેડૂતો સાથે ઓરમાયું વર્તન કરે છે : કલેકટરને આવેદન અપાયું

(ભરત શાહ દ્વારા)રાજપીપળા : કોરોના મહામારીમાં તોકતે વાવાઝોડાએ સમગ્ર રાજ્યમાં કેર વર્તાવ્યો છે.આ વાવાઝોડાથી રાજ્યમાં મુખ્યત્વે બગાયતી પાકોનું વ્યાપક નુકશાન થયુ છે. ખેડૂતોએ મહા મહેનને તૈયાર કરેલ પાક કુદરતી વાવાઝોડામાં.નાશ થતા  ખેડૂતોને મોટું નુકશાન થયુ છે.
ગુજરાત સરકારે વાવાઝોડા દરમિયાન જે પણ ખેડૂતોના બાગાયતી પાકોને નુકશાન થયું છે તેને વળતર આપવાની જાહેરાત કરી હતી પણ ગુજરાત સરકારે નુકશાની વળતર આપવામાં નર્મદા જિલ્લાને બાકાત રાખ્યો છે. જે ગુજરાત સરકાર નર્મદા જીલ્લાના ખેડૂતો સાથે અન્યાય કરતા હોય એવું લાગી રહ્યું છે.
નર્મદા જીલ્લાના ખેડૂતો એ સરકાર પાસે વાવાઝોડાથી થયેલા નુકશાનીના વળતરની માંગ કરી હતી નર્મદા જીલ્લાના વહીવટીતંત્રએ અલગ અલગ ટીમો બનાવી સર્વે કર્યું અને એનો રીપોર્ટ રાજ્ય સરકાર ને  આપવામાં આવ્યો હતો.જ્યારે ગુજરાત સરકારે વળતર ચૂકવવા માટે જે યાદી જાહેર કરી એમાં નર્મદા જીલ્લાનો સમાવેશ ન કરતા સમગ્ર જીલ્લા સહીત આદિવાસી ખેડૂતો સાથે ગુજરાત સરકાર ઓરમાયું વર્તન રાખતી હોય એવું લાગી રહ્યું છે. નર્મદા જીલ્લા બાગાયત વિભાગ દ્વારા જીલ્લાના મુખ્ય જેટલા ગામોમાં સર્વે કરી ૭૭૩ ખેડૂતો ને ૧૩૦૪ હેક્ટરમાં નુકશાન થયું હોવાનો સરકારમા રીપોર્ટ પણ સોંપવામાં આવ્યો હતો.તેમ છતા સરકારે નર્મદા જિલ્લા ને કેમ બાકાત રાખ્યો એ એક પ્રશ્ન છે. નર્મદા જીલ્લા બાગાયત વિભાગે ૧૩૦૪ હેક્ટર મા પાક નુકશાની માટે ૧,૭૬,૪૪,૫૦૦ રૂપિયાની એસ.ડી.આર .એફ માંથી ગ્રાન્ટ ફાળવવા સરકારમાં રજૂઆત કરી છે. જે સત્વરે ખેડૂતો ને મળી રહે એવી આવેદનમાં માંગ કરાઈ છે. આવેદનમાં કિસાન મજદૂર સંઘના ગુજરાત પ્રમુખ ચેતરભાઈ વસાવા, ડેડીયાપાડા આગેવાન બહાદુર ભાઈ વસાવા હાજર રહ્યા હતા

(12:46 am IST)
  • ખૂબ જલ્દી કેન્દ્રીય કેબિનેટમાં ફેરફારની તૈયારી : પીએમ મોદીની ગૃહમંત્રી અમિતભાઇ શાહ અને જેપી નડ્ડા સાથેની બેઠક મોડી રાત્રે પુરી થઈ : પીએમ મોદી કાલે ધર્મેંદ્ર પ્રધાન, નરેન્દ્ર સિંહ તોમર, ગજેન્દ્ર સિંહ શેખાવત, મહેન્દ્ર નાથ પાંડેય, હરદીપ પુરીની સાથે તેમની સાથે સંબંધિત મંત્રાલયોના કામોની સમીક્ષા કરશે : કેબિનેટમાં બહુ મોટા પરિવર્તનો તુરંત માં થશે તેમ PMO ના સુત્રો થકી જાણવા મળે છે (ન્યૂઝફર્સ્ટ) access_time 11:41 pm IST

  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST

  • હવે રાજ્યપાલોની ફેરબદલી અને નિમણૂકોનો દોર આવી રહ્યો છે અડધો ડઝન રાજ્યપાલોની નિમણૂકો માટેનો તખ્તો તૈયાર થઈ ગયાનું જાણવા મળે છે. હાલના એકથી બે ગવર્નરોને અન્ય રાજ્યોમાં ફેરવવામાં આવે તેવી પણ શક્યતા આવો ચર્ચાઈ રહી છે.. access_time 8:58 pm IST