Gujarati News

Gujarati News

News of Friday, 11th June 2021

તિલકવાડામાં ફરતી અસહાય અને લાચાર મહિલાની મદદે અભયમ મહિલા હેલ્પલાઈન ટિમ પહોંચી

(ભરત શાહ દ્વારા) રાજપીપળા : હાલના સંજોગોમાં જ્યારે કોરોનાની મહામારી ચાલી રહી છે લોકોને જીવન જીવવા માટે ભારે તકલીફનો સામનો કરવો પડી રહ્યો છે એવા સમયમાં અભયમ 181 મહિલા હેલ્પ લાઇન ટિમ અવારનવાર લોકોને મદદ માટે પહોંચી લોકોનું સમાધાન કરાવવા તેમજ અન્ય કેટલીક રીતે મદદ કરી હોવાના કિસ્સા સામે આવ્યા છે,આવો જ એક કિસ્સો તિલકવાડા માં બનવા પામ્યો છે  અભયમ 181 મહિલા હેલ્પ લાઇન ટીમ મજબૂર અને લાચાર મહિલાની મદદ માટે તાત્કાલિક આવી પહોંચી હતી.

 મળતી માહિતી અનુસાર તિલકવાડામાં છેલ્લા બે-ત્રણ દિવસથી એક લાચાર મજબૂર ગર્ભવતી મહિલા ફરતી જોવા મળી હતી આ મહિલાને કેટલાક લોકો અવાર નવાર જમવાનું આપતા અને આ મહિલા તાલુકા પંચાયત નજીક બેસી રહેતી હોવાનું જાણવા મળેલ છે  જેની માહિતી કોઈ ઈસમે 181 હેલ્પલાઈન ટીમમાં ફોન કરીને  આપતા અભયમ મહિલા હેલ્પલાઇન ટીમ ઉપર ફરજ પરના અધિકારી તાત્કાલિક તિલકવાડા નગરમાં પહોંચીને મહિલાની શોધખોળ કરી મહિલા સાથે વાતચિત કરતા જાણવા મળ્યું કે મહિલાને કોઈ ટેમ્પો માં બેસાડી આ ગામમાં મૂકી ગયો હતો અને આ મહિલા હિન્દી ભાષા બોલે છે તે સિવાય વધુ માહિતી મેળવવાની કોશિશ કરી પરંતુ મહિલા માનસિક  બીમાર જણાતી હોવાથી સરખો જવાબ નહિ આપતી હોવાથી કોઈ પણ પ્રકારની માહિતી આપી ન હોય ત્યારબાદ મહિલા ટીમ આ મહિલાને સહાયતા મળી રહે તે માટે પ્રયત્ન કરી રાજપીપળા સખી વન  ટોપ સેન્ટર માં લઈ જવામાં આવી હતી અને ત્યાં આ મહિલાને સગા સંબંધી નહીં મળે ત્યાં સુધી સખી વન સ્ટોપ સેન્ટર પર આશ્રય આપાવી માનવતા દાખવી ઉમદા કામગીરી અભયમ મહિલા ટીમે કરી છે.

(12:49 am IST)
  • હવે રાજ્યપાલોની ફેરબદલી અને નિમણૂકોનો દોર આવી રહ્યો છે અડધો ડઝન રાજ્યપાલોની નિમણૂકો માટેનો તખ્તો તૈયાર થઈ ગયાનું જાણવા મળે છે. હાલના એકથી બે ગવર્નરોને અન્ય રાજ્યોમાં ફેરવવામાં આવે તેવી પણ શક્યતા આવો ચર્ચાઈ રહી છે.. access_time 8:58 pm IST

  • કોવિડ મહામારી અને લોકડાઉનથી અર્થતંત્રને ફટકો પડતા તેલંગાણાના મુખ્યમંત્રીએ રાજ્યની મહેસૂલ વધારવા માટે રાજ્ય સરકાર હસ્તકની રૂ .20,000 કરોડની જમીનો વેચવાની પ્રક્રિયા શરૂ કરી છે. વધુ બે રાજ્ય સરકારો પણ નજીકના ભવિષ્યમાં પોતાની લેન્ડ બેંક વેચવાની યોજના બનાવી રહી હોવાનું જાણવા મળે છે. (ન્યૂઝફર્સ્ટ) access_time 11:16 am IST

  • પૂર્વ પોલીસ કમિશ્નર પરમ બીરસિંહને સુપ્રીમ કોર્ટની પડી ફિટકાર : કોર્ટે કહ્યું કે "તમે 30 વર્ષ સુધી મહારાષ્ટ્ર કેડરની સેવા કરી અને હવે કહો કે તમને રાજ્ય પોલીસમાં વિશ્વાસ નથી - આ ખૂબ આઘાતજનક બાબત કહેવાય". સુપ્રિમ કોર્ટે શુક્રવારે મુંબઇના ભૂતપૂર્વ પોલીસ કમિશનર પરમ બીરસિંહે તેમની સામે મહારાષ્ટ્રમાં નોંધાયેલા તમામ ગુનાહિત કેસોને સેન્ટ્રલ બ્યુરો ઓફ ઇન્વેસ્ટિગેશન અથવા અન્ય કોઈ સ્વતંત્ર એજન્સીમાં સ્થાનાંતરિત કરવાની અરજીની સુનાવણી કરવાનો સુપ્રીમ કોર્ટ સાફ ઇનકાર કર્યો access_time 12:49 pm IST