Gujarati News

Gujarati News

News of Friday, 11th June 2021

દહેગામ પંથકમાં ઝેરી જાનવર કરડી જતા બે લોકોના મોત: ગ્રામજનોમાં ભારે ફફડાટ

ચાર કલાકના સમયમાં કાકી અને ભત્રીજીનું મોત થતા પરિવારમાં માતમ છવાયો: છ મહિના પહેલા પિતાની છત્રછાયા ગુમાવનાર ત્રણ સંતાનોએ માતાની મમતા ગુમાવી

ગાંધીનગર જિલ્લાના દહેગામ તાલુકામાં આવેલા દેવકરણના મુવાડાના પેટાપરા ગલાજીની મુવાડી રહેતી ૩૦ વર્ષીય મહિલા સુરેખાબેન પ્રહલાદજી સોલંકી સવારે છ વાગ્યાની આસપાસ ઘરમાં ચા બનાવતા હતા, ત્યારે ઝેરી જનાવર કરડી જતા ૧૦૮ ની મદદથી દહેગામ સામૂહિક આરોગ્ય કેન્દ્રમાં ખસેડવામાં આવ્યા હતા, જ્યાં ફરજ પર ડોક્ટર દ્વારા મૃત જાહેર કરવામાં આવ્યા હતા. બીજી બાજુ મૃતક મહિલાના જેઠ ની દીકરી અનુબેન રણજીત સોલંકી ઉ. વ. ૭ ને આંગણામાં રમતી વખતે સવારે ૧૦ વાગ્યે ની આસપાસ નાગણ જેવા ઝેરી જનાવરે દંશ દેતા બાળકીને ગાંધીનગર સિવિલ હોસ્પિટલ ખાતે લઈ જવામાં આવી હતી, જ્યાં ફરજ પરના ડોક્ટરે બાળકીને મૃત જાહેર કરી હતી. આમ ચાર કલાકના સમયમાં કાકી અને ભત્રીજીનું મોત થતા પરિવારમાં માતમ છવાયો છે. લોકોના કહેવા મુજબ બે દિવસ અગાઉ મૃતકના મકાનની આસપાસ નાગ નીકળતાં લોકોએ મારી નાખ્યો હતો તેનો બદલો લેવા માટે નાગણે બે વ્યક્તિઓનો ભોગ લીધો છે. આ અંગે મૃતકના પરિવારના એક સભ્યનો સંપર્ક કરવામાં આવતા ઉપરોક્ત ઘટના સાચી હોવાની વાતને સમર્થન આપ્યું હતું. આમ ફિલ્મો અને સિરિયલોમાં બતાવવામાં આવતી નાગ અને નાગણ ના બદલાની ઘટના હકીકતમાં બની હોવાની સ્થાનિક લોકોમાં પણ ચર્ચાઓ થઈ રહી છે

ઝેરી જનાવર કરડવાથી મોતને ભેટેલા ૩૦ વર્ષીય મહિલા સુરેખાબેન ના પતિ પ્રહલાદજી નું છ માસ અગાઉ કોઈ બીમારીથી મોત નીપજ્યું હતું. મજૂરી કરીને ગુજરાન ચલાવતા ત્રણ સંતાનો ની માતા સુરખાબેન ને વહેલી સવારે ચા બનાવવા જતાં ઘરમાંથી ઝેરી જનાવર કરડવાથી મોત થયું હતું. આમ છ મહિના પહેલા પિતાની છત્રછાયા ગુમાવનાર ત્રણ સંતાનો એ માતાની મમતા ગુમાવી છે.

દેવકરણના મુવાડા ગામના પેટાપરા ગલાજીની મુવાડી ગામે રહેતા પરિવાના કાકી - ભત્રીજીને નાગણે દંશ દેતાં બંનેના સારવાર મળે તે પહેલાં મોત નિપજ્યાં હતા. સવારે બાળકીને નાગણે દંશ દેતાં બૂમાબૂમ બાદ સ્થાનિકો એકઠા થઈ ગયા હતા અને બબ્બે વ્યક્તિનો ભોગ લેનાર નાગણને મોતને ઘાટ ઉતારી દીધી હતી

(1:10 pm IST)
  • આખરે ટીએમસી માંથી ભાજપમાં શામેલ થયેલ બંગાળના દિગ્ગજ નેતા મુકુલ રોયની ઘર વાપસી થઈ : ફરી ટીએમસીમાં જોડાયા : ભાજપ માટે શરમજનક ઘટના : હજુ ઘણાં ધારાસભ્યો સહિત ભાજપના નેતાઓ પણ તેમની મૂળ પાર્ટી ટીએમસીમાં પાછા જાય તેવી સંભાવના : CM મમતા બેનર્જી બપોરે 3.30 વાગ્યે ટીએમસી ભવન ખાતે પ્રેસ કોન્ફરન્સ કરશે તેમ જાણવા મળે છે. (ન્યુઝફર્સ્ટ) access_time 2:42 pm IST

  • ઉત્તર પ્રદેશમાં ઝડપભેર નવા બનાવો આકાર લઇ રહ્યા છે: આનંદીબેનને મળતા આદિત્યનાથ :અત્યારે રાત્રે મળતા અહેવાલો પ્રમાણે ઉત્તર પ્રદેશના મુખ્યમંત્રી યોગી આદિત્યનાથ ઉત્તર પ્રદેશના રાજ્યપાલ શ્રીમતી આનંદીબેન પટેલને મળવા ગયા છે. ઉત્તર પ્રદેશના પ્રધાનમંડળમાં ઝડપભેર મહત્વના ફેરફારો આવી રહ્યાના સ્પષ્ટ નિર્દેશો મળે છે access_time 9:12 pm IST

  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST