Gujarati News

અમદાવાદ:ગુજરાતમાં ઘણા સમયથી શાંત રહેલ કોરોનાએ ફરી ફૂફાડો માર્યો છે,રાજ્યમાં કોરોનાએ ફરી સ્પીડ પકડી છે રોજ બરોજ કોરોના કેસમાં વધારો થઇ રહ્યો છે, છેલ્લા 24 કલાકમાં કોરોનાના નવા 45 કેસ નોંધાયા છે, આજે વધુ 25 દર્દી સ્વસ્થ થયા છે, અત્યાર સુધીમાં કુલ 12,66,711 દર્દીઓએ કોરોનાને હરાવ્યો છે.આજે રાજ્યમાં કોરોનાથી એકપણ દર્દીનું મૃત્યુ થયા નથી ,રાજ્યમાં કુલ મૃત્યુઆંક 11,046 થયો છે ,રાજ્યમાં કોરોનાનો રિકવરી દર 99.12 છે

  રાજયમાં રસીકરણ અભિયાન વેગવાન રહેતા રાજયમાં વધુ 658 લોકોનું રસીકરણ કરાયું છે. આ સાથે રાજયમાં અત્યાર સુધીમાં કુલ 12,80.89.538 લોકોનું રસીકરણ સંપન્ન થયું છે

 રાજ્યમાં હાલ 232  કેસ છે.જેમાંથી એક દર્દી વેન્ટિલેટર જયારે 231 દર્દીઓ સ્ટેબલ છે.

 રાજ્યમાં આજે નવા 45 કેસ નોંધાયા છે,આજે અમદાવાદ કોર્પોરેશનમાં 18 કેસ,સુરત કોર્પોરેશનમાં 4 કેસ,આણંદ , કચ્છ,સુરત અને વડોદરા કોર્પોરેશનમાં 3-3 કેસ, પોરબંદર અને રાજકોટ કોર્પોરેશનમાં 2-2 કેસ,અમદાવાદ, બોટાદ,ગાંધીનગર, ગાંધીનગર કોર્પોરેશન, મહેસાણા, સાબરકાંઠા,અને વડોદરામાં 1-1 કેસ નોંધાયા છે