Gujarati News

Gujarati News

News of Wednesday, 16th September 2020

દોઢ લાખની લાંચના આરોપી નાયબ ખેતી નિયામક યોગેશભાઇ અમીનના બંન્ને નિવાસસ્થાનો પર એસીબીનું સર્ચ ઓપરેશન શરૂ

ગેરકાયદે જંતુનાશક દવાના વેચાણની નોટીસ રફેદફે કરવા પ્રથમ અઢી લાખ માંગી દોઢ લાખમાં સેટલમેન્ટ કરેલ : દાહોદ બદલાયા બાદ લાંચની રકમ લેવા રજા પર ઉતરી છોટા ઉદેપુર પહોંચતા ફસાયાઃ કલાસ-ર અધિકારી સપડાતા રાજયભરના નાના-મોટા કટકીબાજોમાં ભારે ફફડાટ

રાજકોટ, તા., ૧૬: બિન અધિકૃત રીતે જંતુનાશક દવાઓનું વેચાણ કરતા વેપારીને નોટીસ આપ્યા બાદ મામલો સંકેલી લેવા માટે પ્રથમ રૂપીયા અઢી લાખ બાદ દોઢ લાખમાં સેટલમેન્ટ કરી ફરીયાદીની દુકાનેથી જ લાંચ સ્વીકારવાના આરોપસર છોટા ઉદેપુરના નાયબ ખેતી નિયામક યોગેશભાઇ અમીન એસીબીના સકંજામાં આવ્યા બાદ તેઓના બરોડા તથા છોટા ઉદેપુરના નિવાસસ્થાનો ઉપર બેનામી મિલ્કતો તથા તેના દસ્તાવેજો શોધવા માટે એસીબીનું સર્ચ ઓપરેશન શરૂ થયું છે.

તાજેતરમાં જ છોટા ઉદેપુરથી દાહોદ બદલાયેલા અને વડોદરા શહેર તથા છોટા ઉદેપુર બંન્ને સ્થળે રહેઠાણો ધરાવતા આ અધિકારી લાંચની રકમ લેવા માટે રજા પર ઉતર્યા હોવાના આક્ષેપોની પણ તપાસ એસીબી દ્વારા ચાલી રહી છે.

અઢી લાખની માગણી બાદ રૂ.દોઢ લાખ ભારે રકઝકના અંતે નકકી થયેલ  પરંતુ  ફરીયાદી લાંચની રકમ આપવા માંગતા ન હોય તેઓએ વડોદરા ગ્રામ્ય એસીબીનો સંપર્ક કરી ફરીયાદ કરતા વડોદરા એસીબીના મદદનીશ નિયામક જી.વી.પઢેરીયાના સુપરવીઝન હેઠળ વડોદરા ગ્રામ્યના એસીબી પીઆઇ જે.આર.ગામીત ટીમ દ્વારા છટકુ ગોઠવી આરોપીને લાંચ સ્વીકારતા ઝડપી લેવામાં આવ્યા હતા. કલાસ-રના નાયબ ખેતી નિયામક લાંચના છટકામાં ઝડપાતા વિવિધ સરકારી ખાતાઓના લાંચીયા અધિકારીઓ તથા સ્ટાફમાં સન્નાટો મચી ગયો છે.

(12:18 pm IST)
  • ચીન સામેના યુદ્ધમાં પ્રાણોની આહુતિ આપવા માટે પીછેહટ નહિ કરીએ :શિયા ધર્મગુરૂએ વડાપ્રધાનને લખ્યો પત્ર : ઇમામ-એ-જુમા અને શિયા ધર્મગુરૂ મૌલાના કલ્બે જવાદે કહ્યું કે લેહ અને લદ્દાખના શિયા મુસ્લિમ ભારતની સાથે અને ચીનની વિરુદ્ધ દરેક પગલા પર ઉભા રહેશે: ભારતના કોઇ પણ નિર્ણયની સાથે અમારી કોમ એકતાથી તમામ મુદ્દા પર સમર્થન આપશે. તેના માટે જીવ ગુમાવવાનો વારો આવે તો પણ અમે જરા પણ ખટકાટ અનુભવીશું નહીં access_time 8:58 am IST

  • ઉત્તર પ્રદેશમાં 21 સપ્ટેમ્બરથી સ્કૂલો ખુલવાની શક્યતા નહિવત : રાજ્યમાં વધી રહેલા કોરોના સંક્રમણને ધ્યાને લઇ ડેપ્યુટી સી.એમ.દિનેશ શર્માનો નિર્દેશ : કેન્દ્ર સરકારે અનલોક 4 માં 21 સપ્ટે.થી સ્કૂલો ખોલવાની મંજૂરી આપી હોવા છતાં રાજ્ય સરકાર અસંમત : વિદ્યાર્થીઓની સુરક્ષાને પ્રાધાન્ય આપવાનો હેતુ access_time 12:20 pm IST

  • ડેવિડ મિલર ધોની પાસે ખાસ ગુણોને શીખવા માગે છે : ધુઆંધાર બેટ્સમેન પણ ધોનીનો દિવાનો : ખાસ કરીને રમતમાં લક્ષ્યનો પીછો કરતી વખતે દબાણનો સામનો કરીને શાંત રહેવાનો ધોનીનો ગુણ શીખવાની ઈચ્છા access_time 3:31 pm IST