Gujarati News

સુરત: શહેરના પરવત પાટીયા સીટી પેલેસ કો.ઓ.સોસાયટીમાં અઠવાડીયા અગાઉ કાપડ વેપારી શ્યામસુંદર ઘીસાલાલ કાબરાના ઘરમાંથી રૃા.1.84 લાખની મત્તાની ચોરી કરી ફરાર થયેલા બે નેપાળી યુવાનને ક્રાઇમ બ્રાંચે ઝડપી લીધા છે.

            ક્રાઇમ બ્રાન્ચના કોન્સ્ટેબલ હિંમતભાઇ ખીમાભાઇ અને દુર્ગેશભાઈ વાસુદેવભાઈને મળેલી બાતમીના આધારે પીએસઆઇ .રાઠોડ અને ટીમે આજે પુણા અર્ચના સ્કૂલથી આઈમાતા રોડ ડી.આર.વર્લ્ડ મોલ સામેના રોડ ઉપરથી ચોરીની કારમાં જતા ક્રિષ્ણા રમેશબહાદુર પરીયાર (ઉ.25. રહે. ઘર નં.480, સીતારામ સોસાયટી, ડી.આર.વર્લ્ડની સામે, પુણા ગામ, સુરત. મૂળ રહે. નેપાળ) અને મંગલ રમેશ સુનાર (ઉ.26.રહે. ઘર નં.150, કમલાપાર્ક સોસાયટી, સોમનાથ હોટલ પાસે, વરાછા, સુરત. મૂળ રહે. નેપાળ) ને ઝડપી પાડી તેમની પાસેથી કાર, ચાંદીના દાગીના, ટેબ્લેટ, કાપડ, કારની ચાવી અને આર.સી.બુક તેમજ ચોરી કરતા પહેલા બદલેલા સ્પોર્ટ્સ શૂઝ કબ્જે કર્યા હતા.