Gujarati News

Gujarati News

News of Friday, 22nd January 2021

હડતાલ પરના આરોગ્ય કર્મચારીઓ સામે આકરા પગલાઃ તાકીદની સમીક્ષા બેઠક બોલાવતા નિતીન પટેલ

ફિકસ પગારવાળા કર્મચારીઓની નોકરી સમાપ્ત કરવા અને યુનિયનના આગેવાનોની ધરપકડ સુધીની તૈયારી

રાજકોટ, તા., ૨૨: રાજયની જીલ્લા પંચાયતોના આરોગ્ય કર્મીઓની હડતાલનો આજે ૧૧ મો દિ' છે. કર્મીઓ હડતાલ ચાલુ રાખવા મક્કમ છે. બીજી તરફ સરકાર આક્રમક મુડમાં છે. એપેડેમીક  ડીસીઝ એકટ હેઠળ યુનીયનનાં આગેવાનોની ધરપકડ સહીતની તજવીજ હાથ ધરાયાનું જાણવા મળે છે.

રાજકોટ જીલ્લામાં ૧પ૦ સહીત રાજયમાં હજારો આરોગ્ય કર્મચારીઓ નોકરીનાં પ વર્ષ પુરા ન થયા હોવાથી ફિકસ પગાર હેઠળ છે. તેઓ તાત્કાલીક હડતાલથી અલગ પડી ફરજમાં હાજર ન થાય તો તેમની સર્વિસ સમાપ્ત કરી દેવા માટે સરકારે નોટીસ આપી છે. દરમિયાન આજે ગંાંધીનગરમાં નાયબ મુખ્યમંત્રી શ્રી નીતીન પટેલે સંબંધીત વિભાગોના ઉચ્ચ અધિકારીઓની બેઠક બોલાવી છે. જેમાં પરિસ્થિતિની સમીક્ષા કરી આગળની કાર્યવાહીનો નિર્ણય થશે. સંઘર્ષ અને સમાધાન બન્ને વિકલ્પ ખુલ્લા છે.

(12:55 pm IST)
  • નાંદોદ ના રીગણી પાસે હાઈવા ટ્રકે બાઈક સવાર GRD જવાનને અડફ્ટમાં લેતા ઘટના સ્થળે જ મોત access_time 12:58 am IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST

  • રાજકોટ-68નાં કોંગ્રેસનાં પુર્વ ધારાસભ્ય ઈન્દ્રનીલ રાજ્યગુરુ, રાજકોટ મહાનગરપાલિકાનાં પુર્વ વિપક્ષી નેતા વશરામ સાગઠીયા સહિતનાં આગેવાનોની આજે મોડી રાત્રે અકિલા ચોકમાં અનશન ઉપર બેસતા ત્રીજી વખત અટકાયત કરતી રાજકોટ પોલીસ... access_time 11:10 pm IST