Gujarati News

Gujarati News

News of Saturday, 23rd January 2021

ATM ક્લોન કરી લાખોની ઊચાપત કરનારી ગેંગ જબ્બે

ભરૂચ જિલ્લા સાયબર ક્રાઈમ-એલસીબીનો સપાટો : ભરૂચથી દહેજ જતા હાઇ-વે ઉપર પાંચ શકમંદો ઝડપાયા

ભરૂચ, તા. ૨૩ : ભરૂચ જિલ્લા સાયબર ક્રાઇમ અને એલસીબી પોલીસે ગુજરાત, આંધ્રપ્રદેશ, હૈદરાબાદ તથા અન્ય રાજ્યોમાં એટીએમ કાર્ડ કલોન કરી ડુપ્લીકેટ એટીએમ કાર્ડ બનાવી લોકોના બેંકના એકાઉન્ટમાંથી લાખો રૂપિયા ઉપાડી લેતી આંતરરાજ્ય યુપીની પ્રતાપ ગઢની ગેંગને ઝડપી પાડી છે. પોલીસે સાત લાખ ઉપરાંતના મુદ્દામાલ સાથે પાંચની અટકાયત કરી ભરૂચ જિલ્લામાં બનેલ ત્રણ ગુનાઓનો ભેદ ઉકેલી નાખ્યો છે.

તાજેતરમાં ગુજરાત રાજય સહિત ભરૂચ શહેર અને જિલ્લામાં એક ટોળકી દ્વારા એટીએમ કાર્ડ ક્લોનિંગ કરીને લોકોના ખાતામાંથી પૈસા ઉપાડી લેવામાં આવતા હોવાના કિસ્સાઓ પ્રકાશમાં આવી રહ્યા હતા, જેને શોધી કાઢવા માટે પોલીસ તંત્ર મહેનત કરી રહ્યું હતું ત્યારે આજરોજ ભરૂચ સાયબર ક્રાઈમ બ્રાંચ પોલીસ તેમજ એલસીબી પોલીસને આરોપીઓની ટોળકીને ઝડપી પાડવામાં સફળતા મળી છે.

એટીએમ કાર્ડ કલોન કરી પૈસા ઉપાડતી ટોળકીને ઝડપી પાડવા માટે પોલીસે વિવિધ બેંક સાથે સંપર્ક કરી આરોપીનું પગેરું મેળવવા માટે પ્રયાસ કરી રહી હતી. ત્યારે ટેકનિકલ અને હ્યુમન ઈન્ટેલિજન્ટથી સાયબર તથા એલસીબીની સંયુક્ત ટીમ દ્વારા ઓપરેશન હાથ ધરી ભરૂચથી દહેજ જતા હાઇ-વે ઉપર દેહગામ ત્રણ રસ્તા ખાતેથી પાંચ શકદારોને ઝડપી પાડયા હતા. પોલીસે તેમની તલાશી લેતા તેમની પાસેથી વિવિધ બેંકના ૩૦ જેટલા એટીએમ કાર્ડ તેમજ એટીએમ કાર્ડ ક્લોનીંગ કરવા માટેના સાધનો મળી આવ્યા હતા.

ત્યારબાદ પોલીસે યુક્તિ-પ્રયુક્તિથી ઊંડાણપૂર્વક તપાસ કરી ક્રોસ ઇન્ટ્રોગેશન કરતાં શકદારોએ કેફિયત જણાવેલ કે તેઓ છેલ્લા કેટલાક સમયથી ગુજરાતમાં ભરૂચ, અંકલેશ્વર, દહેજ, સુરત તથા હૈદરાબાદ, આંધ્રપ્રદેશ, મહારાષ્ટ્ર, કર્ણાટક, મધ્યપ્રદેશ, ઉત્તરપ્રદેશમાં ઘણા બધા લોકોના એટીએમ કાર્ડ કલોન કરી અલગ અલગ જગ્યાએથી રૂપિયા ઉપાડી ગુનાઓ આચરેલ હોવાની હકીકત સામે આવી છે. હાલના સુરતના મિત્રની મહેન્દ્ર એક્સયુવી ગાડી લઇ દહેજ ખાતે એટીએમ કાર્ડ કલોનીંગ કરવા જતા હતા, તે દરમિયાન ગેંગના સભ્યો ઝડપાયા હતા. જેમાં રાજેશકુમાર હરિલાલ સરોજ, બબલુ છોટેલાલ સરોજ, રણજીત કુમાર ધર્મરાજ સરોજ, રામકિશોર રામસુખ ગૌતમ, રણજીતકુમાર કમલેશકુમાર સરોજ

ની અટકાયત કરી તેમની પાસેથી રોકડ રકમ, લેપટોપ, એક ગાડી, એટીએમ ક્લોનિંગ રાઇટર ડિવાઇસ, અલગ અલગ કંપનીના ૧૦ મોબાઇલ મળી ,૭૦,૮૪૦ નો મુદ્દામાલ કબજે કર્યો હતો.

.ટી.એમ. કાર્ડને ક્લોન કરી લોકોના એકાઉન્ટમાંથી લાખો રૂપિયા ઉપાડી લેતી આંતરરાજ્ય ગેંગના પાંચ ઝડપાયા હતા. જેમની પાસે ૩૦ એટીએમ કાર્ડ, ક્લોનિંગનો મુદ્દામાલ, અને કાર મળી રૂ..૭૦ લાખનો મુદ્દામાલ જપ્ત કરાયો છે. ત્યારબાદ વિવિધ ગુનાના ભેદ ઉકેલાયા છે. હજુ વધુ ગુનાના ભેદ ઉકેલાય તેવી શકયતા જોવાઈ રહી છે. બેક્ન ના એટીએમ કાર્ડને ક્લોન કરી ડુપ્લીકેટ એટીએમ કાર્ડ બનાવી લોકોના એકાઉન્ટ માંથી લાખો રૂપિયા ઉપાડી લેતી આંતરરાજ્ય ગેંગને ભરૂચ સાયબર સેલ તેમજ એલ.સી.બી પોલીસે ઝડપી પાડી પાંચ આરોપીઓ ની ૩૦ બેક્ન ના .ટી.એમ કાર્ડ અને કાર મળી કુલ રૂ..૭૦ લાખ ઉપરાંતના મુદ્દામાલ સાથે અટકાયત કરી વધુ તપાસ હાથ ધરી છે.

(9:04 pm IST)
  • યુવાઓને વધુને વધુ ટિકીટ આપવામાં આવશે : સી.આર. પાટીલ : ભાજપમાં યુવાઓને વધુ ટીકીટ અપાશે તેવા સંકેત પ્રદેશ પ્રમુખ સી.આર.પાટીલે આપ્યો છે : ૫૫થી વધુ ઉંમરના લોકો ટીકીટ ન માંગે તેમ જણાવી ટીકીટ માટે તૈયારીઓ કરી રહેલા સીનીયર કાર્યકર્તાઓને સંકેત આપ્યો હતો access_time 12:52 pm IST

  • હવે ઇંગ્લેન્ડમાં આશરો માગશે ભાગેડુ વિજય માલ્યા : ભારતમાંથી નાસી છુટેલ ઉદ્યોગપતિ, કિંગફિશરના વિજય માલ્યા ટૂંક સમયમાં ઇંગ્લેન્ડમાં શરણું માગવા અરજી કરશે તેવું જાણવા મળે છે access_time 12:54 pm IST

  • સુરેન્દ્રનગરમાં સ્થાનીક સ્વરાજ્યની ચૂંટણી પહેલા ભાજપમાં ભંગાણઃ મુળી તાલુકામાં કોંગ્રેસનું જનજાગૃતિ અભિયાન, ઉમરડા ગામના સરપંચ સહિત ૧૦૦ કાર્યકરો કોંગ્રેસમાં જોડાયા, ધારાસભ્ય ઋત્વિક મકવાણાએ કાર્યકરોને કોંગ્રેસનો ખેસ પહેરાવી સ્વાગત કર્યું access_time 12:53 pm IST