Gujarati News

Gujarati News

News of Saturday, 23rd January 2021

રાજપીપળાની શ્રી અન્નપૂર્ણા સેવા ફાઉન્ડેશનને ચાર વર્ષ પૂર્ણ થતા જરૂરીયાતમંદ લોકોને જરૂરી વસ્તુઓનું વિતરણ

(ભરત શાહ દ્વારા)રાજપીપળા : રાજપીપળા સહિત નાંદોદ તાલુકામાં સેવાકાર્ય કરતી શ્રી અન્નપૂર્ણા સેવા ફાઉન્ડેશન નામની સંસ્થાને ચાર વર્ષ પૂર્ણ થઈ પાંચમા વર્ષમાં પ્રવેશ કરતા જરૂરીયાતમંદ લોકોને અનાજ કીટનું વિતરણ કરી વધુ એક સેવાકાર્ય પાર પાડવામાં આવ્યું હતું. સંસ્થાના સંચાલકો દ્વારા વારંવાર જરૂરીયાતમંદ લોકોને જરૂરી વસ્તુઓ આપી માનવતાના દર્શન કરાવ્યા છે જેમાં વિકલાંગ, એચઆઇવી ગ્રસ્તો,કેન્સર પીડિતો,વિધવા મહિલાઓ,પરિક્રમવાસીઓ સાહિતનાઓનો સમાવેશ થાય છે ત્યારે સંસ્થાના ચાર વર્ષ પૂર્ણ થતાં અનાજ કીટ ની સાથે સાથે કેટલાક ઘર વિહોણા વ્યક્તિ ઓને સ્ટીલની થાળી વાટકી ગ્લાસ ચમચી તેમજ સ્વેટર, ધાબળા નું પણ વિતરણ કરવામાં આવ્યું હતું.

(11:06 pm IST)
  • અમેરિકન બ્રોડકાસ્ટિંગ લિજેન્ડ લેરી કિંગનું લોસ એન્જલસમાં સીડર-સિનાઈ મેડિકલ સેન્ટરમાં નિધન થયું છે. અહેવાલ મુજબ તેઓને COVID19 પોઝિટિવ આવતા હોસ્પિટલમાં દાખલ કરાયા હતા. તેઓ 87 વર્ષના હતા. access_time 7:03 pm IST

  • ઉત્તર પ્રદેશમાં ધુમ્મસભર્યા માહોલ વચ્ચે ઠંડીનો જોરદાર ધ્રુજારો : વેસ્ટર્ન ડિસ્ટર્બનસની અસરથી ઉત્તર પ્રદેશમાં ફરી વાતાવરણમાં પલ્ટો આવ્યો છે. લખનઉ સહિત અનેક જિલ્લાઓમાં ધુમ્મસભર્યુ વાતાવરણ રહેલ. હવામાન વિભાગના જણાવ્યા મુજબ આગામી દિવસોમાં પણ ઠંડીમાંથી રાહત મળવાની નથી. ઠંડા પવનો ફૂંકાવાના કારણે લોકો ઠુઠવાઈ રહ્યા છે. દરમિયાન પહાડી પ્રદેશોમાં બરફવર્ષાના પગલે યુ.પી.ના અનેક જિલ્લાઓમાં ઠંડીનું મોજુ ફરી વળશે access_time 2:29 pm IST

  • કોરોના કેસોમાં, દેશમાં કેરળ અને મહારાષ્ટ્ર સતત ટોચ ઉપર : છેલ્લા ૨૪ કલાકમાં કેરળમાં ૭ હજાર આસપાસ અને મહારાષ્ટ્રમાં ૩૦૦૦ આસપાસ નવા કોરોના કેસ નોંધાયા : આસામમાં સૌથી ઓછા ૧૭, હિમાચલમાં ૪૧, ગોવામાં ૭૦, ઝારખંડ ૭૫, જમ્મુ અને કાશ્મીર ૮૮, ઉત્તરાખંડ ૧૧૦ કેસ નોંધાયા છે : ૪૫૧ નવા કેસ સાથે દેશભરમાં ગુજરાત છઠ્ઠા નંબરે access_time 11:33 am IST