Gujarati News

Gujarati News

News of Tuesday, 23rd February 2021

કોંગ્રેસ નેતા અર્જૂન મોઢવાડિયાએ કહ્યું મહાનગરોની જનતાનો

વિશ્વાસ પુનઃપ્રસ્થાપિત કરવા માટે વધુ પરિશ્રમ કરીશું

અમદાવાદ : ગુજરાતની તમામ મહાનગરપાલિકામાં કોંગ્રેસની કારમી હાર જોવા મળી રહી છે, ત્યારે કોંગ્રેસના નેતા અર્જૂન મોઢવાડિયાએ ટ્વીટ કરીને કહ્યું કે, ગુજરાતના 6 મહાનગરપાલિકાની ચૂંટણીના પરિણામ કોંગ્રેસના મહાનગરના કાર્યકર્તાઓને નિરાશ કરનારા છે. અમે જનાદેશનો સ્વીકાર કરીએ છીએ. દરેક ઘનઘોર રાત્રી બાદ સવાર જરૂર થાય છે. મહાનગરોની જનતાનો વિશ્વાસ પુનઃપ્રસ્થાપિત કરવા માટે વધુ પરિશ્રમ કરીશું

ગુજરાતની તમામ 6 મહાનગરપાલિકા પર ભારતીય જનતા પાર્ટીએ ભગવો લહેરાવી દીધો છે.

તમામ મહાનગરપાલિકામાં ભારતીય જનતા પાર્ટીએ મોટી લીડ મેળવી લીધી છે, ત્યારે ગુજરાતના મુખ્યમંત્રી રૂપાણીએ પોતાના ટ્વીટરના માધ્યમથી કહ્યું હતું કે, વડાપ્રધાન  મોદી અને કેન્દ્રીય ગૃહમંત્રી શાહના ગુજરાતે ભવ્ય વિજય અપાવીને, ગુજરાત ભારતીય જનતા પાર્ટીનો ગઢ છે એ ફરી વખત સાબિત કર્યું છે.

6 મહાનગરપાલિકાઓની ચૂંટણીમાં ભારતીય જનતા પાર્ટીનો ભવ્ય વિજય એ ગુજરાતની જનતાનો વિજય છે. વડાપ્રધાન મોદીએ શરૂ કરેલા વિકાસની રાજનીતિનો ભવ્ય વિજય છે. સમગ્ર 6 મહાનગરોના મતદારોનો આભાર માનું છું.

(1:19 am IST)
  • મહાભારતના સુપ્રસિદ્ધ પાત્ર કર્ણ ઉપર "સૂર્યપુત્ર મહાવીર કર્ણ" ફિલ્મ બની રહી છે જે ના ગીત અને સંવાદ ડોક્ટર કુમાર વિશ્વાસ લખવાના છે access_time 12:07 am IST

  • ૨૨ વર્ષની પાયલ પાટીદાર ‘આપ’ પાર્ટીની ટીકીટ ઉપરથી વિજેતા બનીઃ સૌથી નાની વયે વિજય મેળવ્યો : સુરતમાં કેજરીવાલના ‘આપ’ પક્ષના ઉમેદવાર પાયલ પાટીદાર માત્ર ૨૨ વર્ષની ઉંમરે વિજેતા બન્યા છે. ગુજરાતમાં કદાચ તેઓ સૌથી નાની વયના વિજેતા ઉમેદવાર જાહેર થાય તેવી સંભાવના access_time 4:46 pm IST

  • સુરતમાં પાટીલના ગઢમાં ‘આપ' પક્ષે ગાબડુ પાડયુ : ૨૫ બેઠકો મેળવી : ભાજપને ફાળે ૭૨ બેઠકોઃ કોંગ્રેસને બેઠક મેળવવાના ફાંફાઃ ૨૪ બેઠકો ઉપર ગણતરી ચાલુ : બપોરે ૪ વાગ્‍યે આ લખાય છે ત્‍યારે સુરતમાં ૧૨૦ બેઠકમાંથી ૯૬ બેઠકો જાહેર થઈ છે અથવા તો ટ્રેન્‍ડ જાહેર થયા છે : જેમાંથી અરવિંદ કેજરીવાલનો નવોદીત આપ પક્ષ ૨૫ બેઠકો લઈ જાય છે : ભાજપને હજુ સુધી ૭૨ બેઠકો સાથે સાદી બહુમતી મળી રહી છે, જયારે કોંગ્રેસને બેઠક મેળવવાના ફાંફા છે અને એક પણ બેઠક મળી નથીઃ કોંગ્રેસની તમામ બેઠકો ‘આપ' ખૂંચવી ગયેલ છે આપની બેઠકો હજુ પણ વધે તેવી શકયતા છેઃ કુલ ૨૪ બેઠકની મતગણતરી હવે થઈ રહી છે access_time 4:24 pm IST