Gujarati News

અમદાવાદ, તા. ૨૩ : અમદાવાદ મ્યુનિસિપલ કોર્પોરેશનની નવી હદમાં બોપલનો સમાવેશ થયા બાદ છસ્ઝ્રએ બોપલ ય્ઈમ્ સ્ટેશનની નજકી આવેલ કચરાના ડુંગરને આ વર્ષના અંત સુધીમાં દૂર કરવાનું નક્કી કર્યું છે. કોર્પોરેશનના અધિકારીઓનું કહેવું છે કે આ વિસ્તાર વ્યવાસાયિક શક્યાતાઓ ધરાવે છે. ૬ એકરનો આ પ્લોટ રૂા. ૧૦૦થી રૂા. ૧૫૦ કરોડ જેટલી માતબર રકમ કોર્પોરેશનને અપાવી શકે છે. કેમ કે અહીં નજીકમાં જ ઈસરોનું ગેસ્ટ હાઉસ, અનેક રેસિડેન્શિયલ કોલોની અને સ્કૂલ આવેલી છે.

આ કારણે કોર્પોરેશને નિર્ણય લીધો છે કે આ જગ્યાએ રહેલા ત્રણ લાખ ટન કચરાને દૂર કરીને પ્લોટને કચરા મુક્ત કરવામાં આવશે. આ માટે કોર્પોરેશન બાયો માઇનિંગ પ્રોજેક્ટ અંતર્ગત તમામ કચરાનો નિકાલ કરશે. આગામી ૧૫ દિવસમાં જ આ જગ્યાને સમતળ કરી દેવામાં આવશે જેથી પ્રોજેક્ટ શરૂ કરી શકાય અને જલદીથી કચરાના ઢગલાને દૂર કરી શકાય. કચરાનો ડુંગર દૂર થતા જ આ વિસ્તારમાં જમીનના ભાવમાં પણ વધારો જોવા મળી શકે છે.

અમદાવાદ મ્યુનિસિપલ કોર્પોરેશન આ જગ્યાએ ૩ ટ્રોમેલ મશીનનો ઉપયોગ કરવાની વિચારણા કરી રહી છે. જેથી આગામી વર્ષના પ્રારંભ સુધીમાં બોપલમાં આવેલ આ કચરાનો ડુંગર સંપૂર્ણપણે નિકાલ કરી શકાશે.

મહત્વનું છે કે આ ડમ્પિંગ યાર્ડમાં આજુબાજુના વિસ્તારમાંથી સતત કચરો ઠલવાતો હોવાથી કચરાનો ડુંગર ૮ ફૂટ જેટલો ઊંચો બની ગયો હતો.

જોકે થોડા મહિના પહેલા અહીં કચરાનું રિસાયકલિંગ અને નિકલા કરવા માટે એક ટ્રોમેલ મશિન મુકવામાં આવ્યું હતું જેની મદદથી આ ડુંગરને ૮ ફૂટથી ૪ ફૂટ સુધી લાવવામાં સફળતા મળી છે.