Gujarati News

Gujarati News

News of Sunday, 24th January 2021

ગોલવાણની સીમમાં રાત્રે મોબાઇલની બેટરીના અજવાળે જુગાર રમતા 5 જુગારીયાઓને ઝડપી પાડતી દેડીયાપાડા પોલીસ

(ભરત શાહ દ્વારા) રાજપીપળા : ડેડીયાપાડા તાલુકાના ગોલવાણ ખાતેથી જુગાર રમતા પાંચ જુગરિયાઓને પોલીસે મુદામાલ સાથે ઝડપી પાડ્યા હતા જ્યારે એક નાસી જતા તેને વોન્ટેડ જાહેર કરાયો છે.
 પ્રાપ્ત માહિતી મુજબ પ્રોહીબીશન તથા જુગારના દુષણને ડામવા નર્મદા જિલ્લા પોલીસ અધિક્ષક હિંમકર સિંહ તરફથી સુચના મળતા નાયબ પોલીસ અધિક્ષક રાજેશ પરમાર રાજપીપળા ડીવીઝનનાના માર્ગદર્શન મુજબ પો.સ.ઇ.એ આર.ડામોરના સીધા સુપરવીઝન હેઠળ દેડીયાપાડા પોલીસ સ્ટેશનના પોલીસ સ્ટાફના માણસો પેટ્રોલીંગમાં નીકળેલા હતા તે વખતે બાતમીદારથી બાતમી મળેલ કે ગોલવાણ ગામની સીમમાં ખુલ્લી જગ્યામાં કેટલાક ઇસમો પત્તા પાનાનો પૈસા વડે હારજીતનો જુગાર રમી રમાડે છે,જે બાતમીના આધારે ત્યાં રેઇડ કરતા કેટલાક ઇસમો રાત્રીના અંધારામાં મોબાઇલની બેટરીના અજવાળામાં પૈસા વડે જુગાર રમતા હોય ચારેય બાજુથી કોર્ડન કરી રેઇડ કરી સ્થળ પરથી ચંદ્રકાંતભાઇ નરપત ભાઇ વસાવા, ચુનીલાલ ધનજીભાઇ વસાવા,અક્ષયભાઇ માનસીંગભાઇ વસાવા, કાશીરામભાઇ ફતુભાઇ વસાવા, સેગજીભાઇ હીરાભાઇ વસાવા તમામ (રહે.ગોલવાણ ફળીયા તા.દેડીયાપાડા જી.નર્મદા )ને અંગ ઝડતીના રોકડા રૂપિયા ૫૦૦૦  તથા દાવ ઉપરના રોકડા રૂપિયા ૨૫૦ તથા મોબાઇલ નંગ -૦૧ કિ.રૂ .૧૦૦૦ મળી કુલ કિ.રૂ .૬૨૫૦ ના જુગારના મુદામાલ સાથે પકડી પાડ્યા હતા તથા સ્થળ ઉપરથી નાસી જનાર કરણસીંગ પ્રતાપભાઇ વસાવા રહે.ગોલવાણ ફળીયા તા.દેડીયાપાડા ને વોન્ટેડ જાહેર કરી તમામ વિરૂધ્ધ કાયદેસર કાર્યવાહી હાથ ધરેલ છે .

(10:58 pm IST)
  • કોરોના રસીનો પ્રતાપ કે નવી નેતાગીરીનો ચમત્કાર ? અમેરિકામાં કોરોના કેસમાં ધીમો ઘટાડો આજે પણ ચાલુ રહ્યો : આજેઅમેરિકામાં પોણા બે લાખથી પણ નીચે નવા કોરોના કેસોનો આંક ચાલ્યો ગયો, સતત ત્રીજા દિવસે બે લાખથી નીચે કેસ રહ્યા, છેલ્લા ૨૪ કલાકમાં યુએસએમાં કોરોનાએ ૩,૫૦૦ના જીવ લીધા: ઈંગ્લેન્ડમાં પણ કોરોનાના નવા ૩૩ હજાર કેસ નોંધાયા અને ૧૪૦૦ ના મૃત્યુ: બ્રાઝિલમાં એકધારા ૬૦ હજાર ઉપર રોજ કેસ નોંધાય છે, આજે ૬૧,૦૦૦ કેસ નોંધાયા: ફ્રાન્સમાં ૨૪ હજાર અને રશિયામાં વીસ હજાર નવા કોરોના કેસ નોંધાયા: ઓસ્ટ્રેલિયામાં ૨૪ કલાકમાં માત્ર ત્રણ નવા કેસ થયા છે: જ્યારે ચીનમાં ૮૦ હોંગકોંગમાં ૮૧ અને યુનાઈટેડ આરબ અમિરાત/દુબઈમાં આજે ૩૫૦૦ નવા કેસ નોંધાયા છે: ભારતમાં ૧૫ હજાર આસપાસના નવા કેસ નોંધાયા, જ્યારે ૧૫૫ મૃત્યુ થયા, સાથોસાથ સોળ હજાર કોરોના દર્દીઓ સાજા પણ થયા છે. access_time 3:52 pm IST

  • અક્ષયકુમારે જાહેર કર્યો 'બચ્ચન પાંડે'નો લુકઃ ર૬ જાન્યુઆરી ર૦રર માં રીલીઝ થશે access_time 3:16 pm IST

  • દક્ષિણ આફ્રિકામાં મળેલો કોરોના વાયરસ અતિ ભયાનકઃ એન્ટીબોડીને તોડીને ફરીથી કરે છે સંક્રમિતઃ બ્રિટનમાંથી આવેલા નવા કોરોના વાયરસ કરતા પણ વધુ ગંભીર access_time 3:39 pm IST