Gujarati News

સુરત: બેંક સાથે કરોડો રૂપિયાની છેતરપીંડી કરાઈ હોવાની ઘટના સતત બની રહી છે, ત્યારે વધુ એક ફરિયાદ સેન્ટ્રલ બ્યુરો ઓફ ઈન્વેસ્ટિગેશને દાખલ કરી દરોડાની કાર્યવાહી શરૂ કરી છે.

CBIના સૂત્રો પાસેથી મળતી માહિતી અનુસાર, નવસારીથી રજીસ્ટર્ડ થયેલી સૂર્યા એક્ઝિમ લિમિટેડ નામની કંપની અને તેના ડાયરેક્ટર જે પી સાબુ, બેંકના અધિકારીઓ તથા અજાણ્યા લોકો સામે બેંકોના કન્સોર્ટિયમ વતી કેનેરા બેન્ક તરફથી ફરિયાદ પર સીબીઆઈએ કેસ નોંધ્યો છે.

ફરિયાદમાં કહેવામાં આવ્યું છે કે, વર્ષ 2017 થી 2019 ના સમયગાળા દરમિયાન આરોપીએ કેનેરા બેંક સહિતના બેંકોના કન્સોર્ટિયમની છેતરપિંડીની કાવતરું ઘડી રૂ. 121.05 કરોડ બનાવટી અને ભંડોળના ડાયવર્ઝન દ્વારા કથિત રૂપે કંપની ક્રેડિટ સુવિધાઓનો લઈ રહી હતી.

વધુમાં એવો પણ આક્ષેપ કરવામાં આવ્યો હતો કે, કંપનીએ કન્સોર્ટિયમ સદસ્ય બેંકો પાસેથી કોઈ વાંધાજનક પ્રમાણપત્ર લીધા વિના ખાનગી બેંકોમાં ખાતા જાળવી રાખ્યા હતા અને બેંકોના ભંડોળ છૂટા કરવા માટે કપટપૂર્ણ વ્યવહાર પણ કરવામાં આવ્યો હતો.

ખાતું NPA બન્યું, તેનાથી કન્સોર્ટિયમને રૂ .121.05 કરોડ (આશરે) નું કથિત નુકસાન થયું. ગુજરાતના સુરત અને નવસારી ખાતે આરોપીઓના સત્તાવાર અને રહેણાંક મકાનો સહિત પાંચ સ્થળોએ તપાસ હાથ ધરવામાં આવી છે, જેમાં નવસારીના જલાલપોર, સુરતના જશ માર્કેટ સહિતના સ્થળો પરથી વાંધાજનક દસ્તાવેજો જપ્ત કરવામાં આવ્યા છે.