Gujarati News

Gujarati News

News of Saturday, 27th February 2021

નડિયાદના સંતરામ મંદિરે યોગીરાજ અવધૂત સંતરામ મહારાજના 190માં સમાધિ મહોત્સવની થઇ ઉજવણી

હજારો કિલો સાકર-કોપરાનો આકાશમાંથી વરસાદ : પ્રસાદને ઝીલવા માટે ભક્તો રીતસરની પડાપડી

નડિયાદ : જિલ્લાના સુપ્રસિધ્ધ સંતરામ મંદિરે યોગીરાજ અવધુત સંતરામ મહાજના 190માં સમાધિ મહોત્સવની ઉજવણી કરવામાં આવી. માન્યતા છે કે, 190 વર્ષ પહેલા સંતરામ મહારાજે જીવીત સમાધિ લીધી હતી. તે સમયે દેવોએ આકાશમાંથી પુષ્પ વર્ષા કરી હતી. જેને લઇ દર વર્ષે મહાસુદ પુનમના દિવસે નડિયાદ મંદિરમાં સાકર વર્ષા કરવામાં આવે છે. આ પ્રસંગે 251 મણ સાકર અને 200 મણ કોપરાનો પ્રસાદ મીક્ષ કરી તેને આકાશમાં ઉછાળવામાં આવે છે. જે પ્રસાદને ઝીલવા માટે ભક્તો રીતસરની પડાપડી કરતા હોય છે.

જોકે મહત્વની બાબત એ છેકે આ રીતે પ્રસાદ લેવાની પ્રથા હોવા છતા આજદીન સુધી કોઇ ભક્તને નુકસાન થયું નથી. કે કોઇને ઇજા થઇ હોય તેવો એકપણ બનાવ બન્યો નથી. સમાધિ મહોત્સવ ના પર્વત વર્ષમાં એકવાર નડિયાદ સંતરામ મંદિરમાં ઉજવાતા હોય છે. અને જે કોઈપણ મંદિરના મહંત હોય તેઓ અહીંયા આરતી ઉતારતા હોય છે

આ મંદિર અને પુનમનું એટલું મહત્વ છે કે, દેશ વિદેશના ભક્તો અહીં દર્શન માટે પધારે છે. મહત્વનું છે કે, મધ્ય ગુજરાતનાં અનેક લોકો વિદેશમાં સેટલ છે. તેમ છતા પણ આ પુનમે તેઓ ભુલ્યા વગર અહીં યોગીમહારાજના દર્શન કરવા માટે આવે છે. 190 વર્ષ પહેલા તેઓએ જીવતા સમાધી લીધી હતી. જો કે દર વર્ષે પુનમનાં દિવસે અહીં સેંકડો લોકો ઉમટી પડતા હોય છે. અહીંનો પ્રસાદ મળવો તેને ખુબ જ પાવન ગણવામાં આવે છે.

(10:54 pm IST)
  • કેસના લાઈવ સ્ટ્રીમિંગ બાદ હવે ગુજરાત હાઈકોર્ટે ડેઇલી અપડેઈટ માટે ટેલિગ્રામ ઍપ ઉપર ઍકાઉન્ટ ખોલાવ્યાનું જાણવા મળે છે access_time 11:55 am IST

  • માર્ચ મહિનાથી દેશમાં ચાર મોટા બદલાવ : 60 વર્ષથી વધુની વયના અને 45 વધુ ઉંમરના બીમારી સામે ઝઝૂમતા લોકોનું થશે રસીકરણ :વિવાદથી વિશ્વાસ યોજનાનો લાભ લેવાની મુદત 31મી માર્ચ સુધી વધારી દેવાઈ :બેન્ક ઓડ બરોડામાં વિલય થતા દેનાબેંક અને વિજ્યાબેન્કના ખાતેદારોના એકાઉન્ટ નંબર અને આઇએફએસસી કોડ નવા લાગશે :બિહાર અને ઉત્તર પ્રદેશમાં ધોરણ પાંચ સુધીના બાળકો સ્કૂલે જઈ શકશે access_time 12:24 am IST

  • પશ્ચિમ બંગાળમાં કોલસા કૌભાંડમાં મોટો ખુલાસો : ખાનગી જમીનમાંથી કાઢીને વેચી નાખ્યો કોલસો : સીબીઆઈએ પત્ર લખીને કાર્યવાહીની કરી માંગ : કૈટલ સ્મગલિંગ અને કોલસા સ્મગલિંગમાં કેટલાક ચાર્ટડ એકાઉન્ટન્ટની મદદથી શેલ કંપનીઓ બનાવાઈ : લાંચની રકમનું મની લોન્ડરિંગ કરવા સાથે મોટા પાયે બેનામી સંપત્તિની ખરીદી access_time 12:52 am IST