Gujarati News

 વડોદરાઃ શહેર પોલીસે ગાંજાનો વધુ એક કેસ  કરી પેડલરની અટકાયત કરી છે.ગાંજો ક્યાંથી લાવતો હતો તે મુદ્દે પોલીસે તપાસ હાથ ધરી છે. બાપોદ જકાતનાકા વિસ્તારમાં મુખી નગર-૧ની સામે ટાયર પંચર કરવાની દુકાનમાં ગાંજાનું વેચાણ કરવામાં આવતું હોવાની વિગતો ખૂલતાં ક્રાઇમ બ્રાન્ચે દરોડો પાડયો હતો. પોલીસે દુકાનદાર ભરત ગબ્બરભાઇ સોલંકી(શક્તિનગર,ન્યુ વીઆઇપીરોડ)ને ઝડપી પાડી રૃ.૨૭૦૦ ની કિંમતનો ૨૭૦ ગ્રામ ગાંજો કબજે કર્યો હતો.આ ગાંજો કેટલા સમયથી અને કોની પાસેથી લાવતો હતો તેમજ કોને વેચતો હતો તે બાબતે પોલીસે તપાસ હાથ ધરી છે.