Gujarati News

રાજકોટ તા. વડોદરામાં રામ નવમી શોભા યાત્રા સમયે બનેલ પત્‍થર ફેકવાની ઘટનાના આજે શુક્રવારે જુમ્‍મા નમાજ સમયે કોઈ અસામાજિક તત્‍વો લાભ ન ઉઠાવે તે બાબત ધ્‍યાને રાખી રાજય પોલિસ તંત્રને એલર્ટ મોડમાં ગુજરાતના મુખ્‍ય પોલીસ વડાં વિકાસ સહાય અને લો એન્‍ડ ઓર્ડર વડા નરસિંહમા કોમાર દ્વારા મૂકવા સાથે રાજય પોલિસ તંત્રના તમામ ઉચ્‍ચ અધિકારીઓને સાવધાની રાખવા તાકીદના આદેશ છૂટયા છે.                                  

વડોદરાની ઘટના બાદ ગૃહ રાજય મંત્રી તુરંત એક્‍ટિવ બન્ની સુરત પોલીસ કમિશનર અજય કુમાર તોમરને સાથે રાખી ગાંધીનગર વિડિયો બેઠક યોજી મુખ્‍ય પોલીસ વડા વિકાસ સહાય, નરસીહમાં કોમર તથા વડોદરા પોલિસ કમિશનર શમશેર સિંઘ પાસેથી તમામ માહિતી એકઠી કરી તોફાનીઓની ખો ભુલાવી દેવા સૂચના આપી હતી. આઇબી વડા અનુપમ સિહ ગેહલોત સાથે ચર્ચા કરી ચોક્કસ માહિતી મેળવી હતી, ત્‍યારબાદ તુરંત લો એન્‍ડ ઓર્ડર વડા દ્વારા વધારાના અનુભવી ૪ એસપી, ૩ ડીવાયએસપી તથા પોલીસ ઇન્‍સ્‍પેકટર અને વધારાની પોલીસ સાથે અર્ધ લશ્‍કરી દળો મોકલાયા હતા.વડોદરા પોલીસ કમિશનરની આગેવાની હેઠળ રાતો રાત કોંબિંગ સાથે ૩૫૬ જેટલા સીસીટીવી કેમેરાઓ સાથે એક એક તોફાનીઓની ઓળખ ચાલી રહી છે, હાલમાં ૨૦ સામે એફઆઇઆર અને ૨૦ થી વધુની અટક કરી લેવામાં આવી છે.     

વડોદરામાં અંજપાભરી શાંતિ પ્રવૃતિ રહી છે, ગૃહમંત્રી દ્વારા તોફાનીઓ ભવિષ્‍યમાં પત્‍થર સામે પણ ન જોવે તેવા આકરા પગલાંઓ લેવામાં આવી રહ્યાનું જણાવ્‍યું છે.