Gujarati News

લંડન તા. ૨ : દિલદાર ચોરની એક સ્ટોરી સોશિયલ મીડિયા પર વાયરલ થઈ રહી છે. લોકો ચોરની પ્રશંસા કરી રહ્યા છે. જે મહિલાના ઘરમાંથી ફલાવર પોટની ચોરી થેયલ તેમણે જણાવ્યું કે તેના ઘરમાં રાત્રે નવ વાગ્યે ચોરી થઈ હતી. ફલાવર પોટ લિવિંગ રૂમમાં રાખવામાં આવ્યું હતું.

ચોરીનો એક ખૂબ જ વિચિત્ર કિસ્સો બ્રિટનથી પ્રકાશમાં આવ્યો છે. ચોરે ઘરમાંથી સામાન ચોરી લીધો, પણ તે સામાનના પૈસા તેણે મકાન માલિકને આપી દીધા. એટલું જ નહીં, ચોરે મહિલા માટે ઓશીકા નીચે એક પત્ર પણ છોડ્યો, જેમાં તેણે કંઇક સ્પર્શી જાય તેવું લખ્યું છે. ચોરીનો આ વિચિત્ર કિસ્સો કોર્નવોલનો છે.

એક ન્યૂઝ વેબસાઈટમાં પ્રકાશિત થયેલા અહેવાલ મુજબ ચોરીની આ વિચિત્ર ઘટના કોર્નવોલમાં રહેતી એક ૮૦ વર્ષીય મહિલાના ઘરે બની હતી. આશ્યર્યની વાત એ છે કે, ચોરે મહિલાના ઘરમાંથી કોઈ પણ કિંમતી સામાનની ચોરી કરી ન હતી, માત્ર એક ફલાવર પોટ લઈ ગયો હતો. જયારે ચોર ઘરમાં પ્રવેશ્યો ત્યારે વૃદ્ઘ મહિલા ટીવી જોઈ રહી હતી. ચોર ઘરમાં ઘૂસી ગયો અને ઓરડાની બહાર રાખેલા ફલાવર પોટ સાથે ગાયબ થઈ ગયો. જોકે, વાસણની ચોરી કરતા પહેલા ચોરે એક પત્ર અને ફલાવર પોટના પૈસા ઓશીકા નીચે મૂકી દીધા.

ચોરીની ઘટનાનો ઉલ્લેખ કરતા મહિલાએ કહ્યું કે ચોરોએ તેના ઘરમાંથી માત્ર એક ફલાવર પોટની ચોરી કરી હતી. તેને ઓશીકા નીચેથી ૧૫ યુરો મળ્યા. મહિલાનું કહેવું છે કે ચોરોએ તેના માટે એક પત્ર પણ છોડ્યો હતો. જેમાં તેણે લખ્યું હતું કે તેને આ ફલાવર પોટ ખૂબ ગમ્યું છે, તેથી તે તેને સાથે લઈ જઈ રહ્યો છે. પરંતુ ચોરો ઇચ્છતા ન હતા કે મહિલાને કોઈપણ રીતે નુકસાન થાય. એટલા માટે તેણે વાસણના પૈસા પણ ઓશીકા નીચે રાખ્યા.

દિલદાર ચોરની આ સ્ટોરી સોશિયલ મીડિયા પર વાયરલ થઈ રહી છે. લોકો ચોરની પ્રશંસા કરી રહ્યા છે. મહિલાએ જણાવ્યું કે તેના ઘરમાં રાત્રે નવ વાગ્યે ચોરી થઈ હતી. ફલાવર પોટ લિવિંગ રૂમમાં રાખવામાં આવ્યું હતું. ચોરો તેને ત્યાંથી ઉપાડી ગયા. જો કે, આ મહિલાને હજુ પણ ખાતરી નથી થઈ કે કેટલાક ચોરે તેના ઘરમાંથી કોઈ વસ્તુ ચોરી લીધી અને બદલામાં પૈસા છોડી દીધા.