Gujarati News

બ્રિટનમાં રહેતા એક પરિવારના ઘરના બાથરૂમમાં વીસ ઇંચ બાય ૧૬ ઇંચનો એક અરીસો મૂકેલો હતો. છેલ્લાં ચાલીસ વર્ષથી આ ઘરના માલિકે આ અરીસો એમ જ બાથરૂમમાં ટીંગાયેલો રાખ્યો હતો. એ વખતે તેને ખબર પણ નહોતી કે તે જે અરીસામાં રોજ પોતાનું મોં જુએ છે એ કોઈ ખાસ છે અને એની કિંમત કયારેક લાખોમાં થશે. એ તો જયારે એને વેચવા કાઢ્યો ત્યારે તેની ખરી કિંમત થઈ.

આ કોઈ રોયલ ખાનદાનનો પીસ હોવાનું અનુમાન લાગતાં આ મિરરને ઇસ્ટ બ્રિસ્ટોલ ઓકશન હાઉસે વધુ તપાસ માટે મોકલ્યો હતો. એની કિનારી પર લાગેલા ખાસ પાંદડા અને ડેકોરેશન પરથી ખબર પડી હતી કે એ ફ્રાન્સની છેલ્લી રાણી મારી ઓન્ટોઇનેટનો હતો. નિષ્ણાતોના અંદાજ મુજબ આ મિરર ઓકશનમાં ૧૩ હજાર અમેરિકન ડોલર એટલે કે લગભગ ૯૭ લાખ રૂપિયા રળી લાવી શકે એમ છે.