Gujarati News

વોશિંગ્ટન,તા.૭: અમેરિકાની એક મહિલાએ વિચિત્ર બિઝનેસ શરૂ કર્યો હતો અને તેમાંથી તેણે લાખો રૂપિયાની કમાણી કરી હતી. જોકે, પોતાના આ બિઝનેસના કારણે તેનો જીવ જોખમમા મૂકાઈ ગયો હતો. સ્ટેફની મેટો નામની મહિલા પોતાની વાછૂટ બરણીમાં ભરીને વેચતી હતી. જેનાથી તે પ્રતિ સપ્તાહ ૩૭ લાખ રૂપિયાની કમાણી કરતી હતી.

જોકે, પેટમાં ગેસ ઉત્પન્ન કરવાના ચક્કરમાં આ મહિલાનો જીવ જોખમમાં મૂકાયો હતો. તેણે કહ્યું હતું કે મને લાગ્યું હતું કે જાણે હાર્ટ એટેક આવી ગયો છે અને મારો અંતિમ સમય ચાલી રહ્યો છે. વાછૂટ કરવા માટે પેટમાં વધારે ગેસ ઉત્પન્ન કરવા માટે સ્ટેફની દરરોજ ૩ પ્રોટિન શેક અને એક વાટકો ભરીને બ્લેક બીન સૂપ પીતી હતી.

પરંતુ આમ કરવામાં એક દિવસ તેની છાતીમાં દુખાવો ઊભો થયો હતો અને તેને હોસ્પિટલમાં ભરતી થવું પડ્યું હતું. હવે તેણે આ બિઝનેસ છોડી દેવાનું નક્કી કરી લીધું છે. સ્ટેફની મેટો એક રિયાલિટી ટીવી સ્ટાર છે અને ૯૦ Day Fianceમાં કામ કરી ચૂકી છે. મીડિયા અહેવાલ પ્રમાણે સ્ટેફનીની છાતીમાં દુખાવો થયો હતો અને તેને હોસ્પિટલમાં દાખલ કરવામાં આવી હતી. તેનામાં હાર્ટ એટેકના લક્ષણો હતા.

સ્ટેફની પોતાની વાછૂટ વેચીને દર સપ્તાહે ૩૭ લાખ રૂપિયા કમાતી હતી. એક સમયે તે પ્રતિ સપ્તાહ વાછૂટ ભરીને ૫૦ જાર વેચતી હતી. તેની એક જાર વાછૂટની કિંમત ૧ હજાર ડોલર જેટલી હતી. તે સોશિયલ મીડિયા પર પોતાના ૨.૬૦ લાખ ફોલોઅર્સને આ જાર વેચતી હતી. તેણે જણાવ્યું હતું કે બીમાર થઈ ત્યારે તેને શ્વાસ લેવામાં તકલીફ થતી હતી. તે જયારે શ્વાસ લેતી હતી ત્યારે હ્રદયની આજુબાજુ સેન્સેશન અનુભવાતું હતું.

અમેરિકાના કનેકિટકટમાં રહેનારી સ્ટેફનીને પોતાના મિત્રોએ હોસ્પિટલ ભરતી કરાવી હતી. હોસ્પિટલમાં તેમણે સ્ટેફનીના બિઝનેસ વિશે જણાવ્યું ન હતું. ડોકટરોએ તેને ડાયટમાં ફેરફાર કરવાનું કહ્યું હતું અને ગેસ બનતો રોકવા માટેની દવા આપી હતી. જેના કારણે તેનો બિઝનેસ બંધ થઈ ગયો.

સ્ટેફનીએ આ પહેલા ખુલાસો કર્યો હતો કે, ઘણા વર્ષોથી મને પુરૂષો અને મહિલાઓના મેસેજ આવતા હતા જેઓ મારા પહેરેલા કપડા, ન્હાવાનું પાણી વગેરે ખરીદવાની ઈચ્છા ધરાવતા હતા. મને લાગ્યું કે વાછૂટ વેચવી દ્યણો અનોખો વિચાર રહેશે. આ લગભગ એક નવી વસ્તુ જેવી છે. એકટરે દાવો કર્યો હતો કે તેની વાછૂટ ખરીદવા માટે તેને દરરોજ દ્યણા ઓર્ડર મળી રહ્યા હતા.