Gujarati News

Gujarati News

News of Friday, 11th June 2021

અમેરિકાના ન્યુયોર્કમાં 20 ડોલરનો એક સિક્કો 60 કરોડમાં વેચાતાં શખ્સના ભાગ્ય ખુલી ગયા

નવી દિલ્હી: અમેરિકાના ન્યૂયોર્કમાં 20 ડોલરનો એક સિક્કો હતો જેની બોલી લગાવવામાં આવી અને તે બોલી એટલી ઊંચી બોલાઈ કે લોકો આશ્ચર્યચકિત રહી ગયા. સોનાના સિક્કાની રૂ. 138 કરોડ જેટલી ઊંચી બોલી લગાવવામાં આવી હતી. તે સિવાય એક દુર્લભ ટિકીટ પણ 60 કરોડમાં નિલામ થઇ હતી.

પ્રાપ્ત માહિતી મુજબ સોનાનો સિક્કો 1933માં બનાવવામાં આવ્યો હતો જેની બંને તરફ ઇગલની આકૃતિ હતી. એક તરફ ઉડતી ઇગલ અને બીજી તરફ લિબર્ટીની આકૃતિ છે. સિક્કો શૂ ડિઝાઇનર અને કલેક્ટર સ્ટુઅર્ટ વીટ્સમેન દ્વારા વેચવામાં આવ્યો હતો. જો કે સિક્કો કોણે અને શા માટે ખરીદ્યો તેને લઇને કોઇ ખુલાસો કરાયો નથી. સિક્કાને લઇને સંભાવના હતી કે 73 કરોડથી લઇને 100 કરોડ રૂપિયા સુધીમાં વેચાશે પરંતુ જ્યારે બોલી શરૂ થઇ ત્યારે સિક્કો 138 કરોડમાં વેચાયો અને તેને જોઇને લોકોની આંખો પહોળી થઈ ગઈ હતી.

(6:01 pm IST)
  • પૂર્વ પોલીસ કમિશ્નર પરમ બીરસિંહને સુપ્રીમ કોર્ટની પડી ફિટકાર : કોર્ટે કહ્યું કે "તમે 30 વર્ષ સુધી મહારાષ્ટ્ર કેડરની સેવા કરી અને હવે કહો કે તમને રાજ્ય પોલીસમાં વિશ્વાસ નથી - આ ખૂબ આઘાતજનક બાબત કહેવાય". સુપ્રિમ કોર્ટે શુક્રવારે મુંબઇના ભૂતપૂર્વ પોલીસ કમિશનર પરમ બીરસિંહે તેમની સામે મહારાષ્ટ્રમાં નોંધાયેલા તમામ ગુનાહિત કેસોને સેન્ટ્રલ બ્યુરો ઓફ ઇન્વેસ્ટિગેશન અથવા અન્ય કોઈ સ્વતંત્ર એજન્સીમાં સ્થાનાંતરિત કરવાની અરજીની સુનાવણી કરવાનો સુપ્રીમ કોર્ટ સાફ ઇનકાર કર્યો access_time 12:49 pm IST

  • સુપ્રીમ કોર્ટે AIIMS દ્વારા લેવાતી INI CET પરીક્ષા 2021 ને, કોરોના પરિસ્થિતિના કારણે, એક મહિના માટે મુલતવી રાખવાનો આદેશ આપ્યો છે. કોર્ટે સ્પષ્ટતા કરી છે કે, આ પરીક્ષા, જે 16 જૂને યોજાવાની હતી, હવે એક મહિનાની સમાપ્તિ પછી કોઈપણ સમયે યોજી શકશે. access_time 1:32 pm IST

  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST