Gujarati News

Gujarati News

News of Saturday, 17th July 2021

એક યુવતીના શરીરમાં બે પ્રાઈવેટ પાર્ટ : ૨૩ વર્ષ પછી પડી ખબર!

શરીરમાં બે યોની, બે પ્રજનન પ્રણાલી અને બે ગર્ભાશય સાથે જન્મી હતી, આટલા વર્ષો પછી ખબર પડતા યુવતીના હોશ ઉડી ગયા

ટેકસાસ,તા. ૧૭:  યુવતીના શરીરમાં બે પ્રાઈવેટ પાર્ટ મળી આવ્યાની ચોંકાવનારી ઘટના સામે આવી છે. મીડિયા રિપોર્ટ મુજબ આ ઘટના અમેરિકાના ટેકસાસની છે. અહીં રહેતી એક યુવતીના શરીરમાં બે પ્રજનન પ્રણાલી, બે ગર્ભાશય, બે યોનિ છે. જન્મ થયાના ૨૩ વર્ષ પછી જયારે યુવતીને આ દુર્લભ સ્થિતિ વિશે જાણ થઈ ત્યારે તેના હોશ ઉડી ગયા હતા. ચાલો તમને જણાવીએ કે, બે પ્રજનન પ્રણાલીને કારણે યુવતીને કઈ સમસ્યાઓનો સામનો કરવો પડે છે.

મીડિયા રિપોર્ટ મુજબ હેથર વેલ્પર નામની યુવતીને કિશોરાવસ્થાની શરૂઆતથી જ બે પ્રજનન પ્રણાલીને કારણે ઘણી સમસ્યાઓનો સામનો કરવો પડી રહ્યો છે. હેથરના જણાવ્યા મુજબ તે કયારેય પેડ પહેરવા સક્ષમ નથી. તેને અન્ય યુવતીની તુલનામાં વધુ દુઃખાવો થાય છે. તેને શરૂઆતથી એવું લાગતું હતું કે, બીજી યુવતીઓ કરતા અલગ છે, પરંતુ બે પ્રજનન પ્રણાલી વિશે કોઈ ખ્યાલ નહોતો.

હેથરના જણાવ્યા અનુસાર, ૧૩-૧૪ વર્ષની વયે પીરિયડ્સ દરમિયાન તેને લાગતું હતું કે, તેના આંતરડામાં કોઈ ફેંટો મારે છે. પીરિયડ્સ સમયે તે ચાલી પણ નહોતી શકતી. પરંતુ હવે આના પાછળનું કારણ જાણ્યા પછી પીડા સહન કરે છે. હેથરે વધુમાં જણાવ્યા મુજબ ૨૩ વર્ષની ઉંમરે સ્મીમેર ટેસ્ટ દરમિયાન ડોકટરોને તેના શરીરમાં બે પ્રજનન પ્રણાલી વિશે ખબર પડી. આ પછી ૨૫ વર્ષની ઉંમરે જયારે તેણીએ આ વાતની પુષ્ટિ કરવા માટે ફરીથી બીજા ડોકટરને બતાવ્યું ત્યારે તેમને કહેવામાં આવ્યું કે તે કયારેય માતા નહીં બની શકે.

યુવતીએ જણાવ્યું કે, કેલ્વિન વેલ્પર સાથેના તેના લગ્નના થોડા મહિના પહેલા જ તેને ખબર પડી કે તે કયારેય માતા નહીં બની શકે. તે આ વાતને લઈને ખૂબ જ દુઃખી હતી. તેણીએ વિચાર્યું કે કેલ્વિન આ જાણીને તેની સાથે લગ્ન નહીં કરે, પરંતુ કેલ્વિને તેનો સાથ આપ્યો અને તેની સાથે લગ્ન કર્યા હતા. લગ્ન બાદ ડોકટરે ના પાડી હોવા છતાં હેથરે બાળકને જન્મ આપવાનું નક્કી કર્યું અને તે ગર્ભવતી થઈ. પરંતુ તેનું બાળક આ દુનિયામાં આવી શકયું નહીં. ૯ મહિના પહેલા જ તેનું મિસકેરેજ થઈ ગયું હતું.

(10:21 am IST)