Gujarati News

નવી દિલ્હી: ગર્ભાવસ્થાનો સમય એ દરેક સ્ત્રી માટે એક વિશેષ પળ હોય છે. આ જ કારણ છે કે તે આ દરમિયાન ઘણા સપનાને જોવે છે, પરંતુ ઘણી વખત એવી પરિસ્થિતિઓ ઉભી થાય છે કે સગર્ભા સ્ત્રીને સમજ નથી કે હવે શું કરવું. તાજેતરમાં જ એક કિસ્સો પ્રકાશમાં આવ્યો છે જેમાં એક મહિલાએ ઉડતા વિમાનમાં બાળકને જન્મ આપ્યો છે અને તે નવજાતનું નામ સ્કાય રાખ્યું છે. મળતી માહિતી મુજબ, ક્રિસ્ટલ હિક્સ નામની મહિલા અમેરિકાના અલાસ્કાના એંકોરેજની એક હોસ્પિટલમાં ઉડાન ભરી રહી હતી, પરંતુ ત્યાં પહોંચતા પહેલા તેને તકલીફ શરૂ થઈ ગઈ હતી. આ કારણોસર, મહિલાએ 18,000 ફૂટ (5,500 મીટર) ની ઉંચાઇએ ઉડતા વિમાનમાં તેના બાળકને જન્મ આપવો પડ્યો. અલબત્ત તમે આમાં વિશ્વાસ કરી શકશો નહીં, પરંતુ આ 100 ટકા સાચું છે. KTUU-TVના અહેવાલો અનુસાર, ક્રિસ્ટલ હિક્સે બાળકને જન્મ આપ્યા બાદ, વિમાનની ઈમરજન્સી લેન્ડિંગ કરાવ્યા પછી, માતા અને બાળકને અલાસ્કાના ગ્લાનાલેન, એક નાની હોસ્પિટલમાં દાખલ કરવામાં આવી હતી.