Gujarati News

નવી દિલ્હી, તા.૨: ગઇકાલે સંસદમાં મોંઘવારી પર ચર્ચા થઈ રહી હતી. જ્યારે તૃણમૂલ કોંગ્રેસના સાંસદ કાકોલી ઘોષ મોંઘવારી પર બોલી રહ્યા હતા ત્યારે તેમની બાજુમાં બેઠેલ મહુઆ મોઇત્રા તેમની બાજુની સીટ પરથી ટેબલ નીચે બેગ રાખતા કેમેરામાં કેદ થઈ ગયા હતા. મહુઆ મોઇત્રાએ જે બેગ રાખી હતી તેની કિંમત ઘણી વધારે જણાવવામાં આવી રહી છે.

આ પછી લોકોએ તેને સોશિયલ મીડિયા પર ટ્રોલ કરવાનું શરૃ કર્યું. ભાજપના નેતાઓએ ટોણા મારવાનું શરૃ કર્યું, ત્યારે અભિનેત્રી સ્વરા ભાસ્કર મહુઆ મોઇત્રાને ટ્રોલ કરનારાઓ પર ગુસ્સે થઈ ગઈ.

અભિનેત્રી સ્વરા ભાસ્કરે ટ્વીટ કર્યું, એક સ્વતંત્ર સ્પષ્ટવકતા મહિલાને બદનામ કરવાનો બીજો પ્રયાસ, એવું ન વિચારો કે મહુઆ મોઇત્રાએ તેની બ્રાન્ડેડ બેગ છુપાવવાનો પ્રયાસ કર્યો. તેની પાસે સમૃદ્ધ કોર્પોરેટ કારકિર્દી હતી અને તેણે તેની મહેનતના પૈસાથી બ્રાન્ડેડ વસ્તુઓ ખરીદી હતી. તો, આ બાબતે આટલો બધો હંગામો શા માટે?

બીજી તરફ બીજેપી નેતા શહજાદ પૂનાવાલાએ ટ્વીટ કરીને લખ્યું છે કે મેરી એન્ટોઇનેટ મહુઆ મોઇત્રા જ્યારે મોંઘવારી પર ચર્ચા દરમિયાન તેની મોંઘી બેગ છુપાવી રહી હતી - તે દંભનો ચહેરો છે અને આ! એક પક્ષ જે વ્પ્ઘ્- ખૂબ ભ્રષ્ટાચારમાં માને છે, સ્ખ્વ્ ન કાપ્યા પછી ફુગાવા અંગે ચર્ચા કરે છે અને શ્ભ્ખ્ સાથે જોડાણ બનાવે છે જેણે ફુગાવો ૧૦ટકા કરતા વધુ વધાર્યો છે.