Gujarati News

રિયાદ, તા. ૩ : દુનિયાભરના અબજોપતિ, પ્રિન્સ અને મોટી હસ્તીઓ હવામાં મુસાફરી માટે ઘણીવાર પ્રાઈવેટ પ્લેનનો ઉપયોગ કરે છે. કરોડો રૂપિયાના આ પ્રાઈવેટ જેટ વિમાન હવામાં ફરતા મહેલ જેવું હોય છે, જેમાં વિશ્વની તમામ સુવિધાઓ ઉપલબ્ધ હોય છે. એટલું જ નહીં, આ જેટ વિમાનમાં મહેમાનોની સંભાળ રાખવા માટે સંપૂર્ણ પ્રશિક્ષિત એર હોસ્ટેસેસ પણ હોય છે. હવે આ વૈભવી પ્રાઈવેટ જેટની અંધારાવાળી દુનિયા વિશે એક ચોંકાવનારો ઘટસ્ફોટ થયો છે. એક પૂર્વ એર હોસ્ટેસે સાઉદી અરબના એક પ્રિન્સ, રશિયન અને જર્મન અબજોપતિઓની પોલ ખોલી છે. સાસ્કિયા સ્વાન નામની એર હોસ્ટેસે જણાવ્યું હતું કે, પ્રાઈવેટ જેટની નોકરીમાં તેને સંભોગથી લઈને ક્લિનિંગ સુધી બધુ કરવા મજબૂર કરવામાં આવતી હતી. ચાલો જાણીએ આખો મામલો શું છે?

આ એર હોસ્ટેસે પોતાની બુક સિક્રેટ ઓફ પ્રાઈવેટ ફ્લાઇટ એટેન્ડન્ટમાં જણાવ્યું કે, આ નોકરી જોઈન કરતા પહેલા તેણીએ ૮ ગુપ્ત કરાર કરવા પડ્યા. આ પછી તેને એક રશિયન અબજોપતિ સાથે ૪૧ લાખ રૂપિયાના વાર્ષિક પેકેજ પર નોકરી મળી. નોકરી મેળવવાની સાથે સાસ્કિયાની જિંદગી બદલાઈ ગઈ. હવે તેણીએ વૈભવી જીવન જીવવાનું શરૂ કર્યું. ડિઝાઈનર કપડાની દુનિયામાં ફરવા લાગી. આ દરમિયાન તેને ફાઈવ સ્ટાર હોટલોમાં રોકાવું પડતું. બદલામાં તેની ડેઈલી સાઈડ ઈનકમ થતી હતી. જો કે, આ વૈભવી નોકરીનો બીજો પહેલું પણ હતો.

સાસ્કિયાને કહેવામાં આવ્યું હતું કે તે તેના બોસની પત્ની ઈરિના અને તેમના બે બાળકો સાથે મુસાફરી કરશે. સાસ્કિયા રશિયન અબજોપતિની પત્ની સાથે ઇસ્તાંબુલથી લોસ એન્જલસ ગઈ હતી. પરંતુ અબજોપતિએ બાદમાં તેની પત્નીને છોડી દીધી અને સાસ્કિયાને કહ્યું કે, પત્ની સાથે જોડાયેલા તમામ સિક્રેટ નષ્ટ કરી દે. જેમાં ઇરિનાના પગરખાં, કાંસકો, બેગ શામેલ હતા. સાસ્કિયાને એવું પણ કહેવામાં આવ્યું હતું કે ઇરિનાનો એક પણ વાળ વિમાનમાં દેખાવો ના જોઈએ, નહીં તો તે નોકરી ગુમાવી દેશે. ત્યારબાદ સાસ્કિયાએ રશિયન અબજોપતિની ગર્લફ્રેન્ડ મોડેલ સાવનાહનું સ્વાગત કરવું પડ્યું.

ત્યારબાદ સાસ્કિયાને ખબર પડી કે રશિયન અબજોપતિ પોવેલ સારો દિલફેક માણસ છે અને તે તેણીને ફ્લાઈટ એટેન્ડન્ટની ભૂમિકા કરતા વધારે ઈચ્છતો હતો. ન્યુયોર્કની યાત્રા દરમિયાન સાસ્કિયાને ચેતવણી આપવામાં આવી હતી કે જો તે પોવેલ સાથે સંભોગ નહીં કરે તો તેને નોકરીમાંથી કાઢી મૂકવામાં આવશે, કારણ કે તે તેની નોકરીનો ભાગ છે. મજબૂરીમાં સાસ્કિયા બોસનું ડિનર ઈન્વાઈટેશન સ્વીકારવું પડ્યું અને આ દરમિયાન તેની આંખોમાં આંસુ આવી ગયા.

સાસ્કિયાને એક બોક્સ મળ્યો જેમાં કપડા અને હીરાનો હાર હતો. ત્યારબાદ તેણીએ પાવેલ સાથે ડિનર કર્યું અને તે પછી તે તેણીને પેન્ટહાઉસમાં લઈ ગયો. આ દરમિયાન પોવેલ દારૂ પીતો અને ડાન્સ કરતો સાસ્કિયાને સંભોગ માટે બેડ પર લઇ ગયો. આ દરમિયાન પોવેલે વાયેગ્રા લીધી હતી. સાસ્કિયાએ કહ્યું કે જ્યારે તે સવારે જાગી ત્યારે તેણે વિચાર્યું કે, શું હું એક વેશ્યા છું? આ શબ્દ તેના મગજમાં વારંવાર ફરી રહ્યો હતો. આ પછી આ સિલસિલો યથાવત રહ્યો અને પોવેલે તેની સાથે લગભગ દરરોજ સંભોગ કરવા લાગ્યો.

ઘણા વર્ષો પછી સાસ્કિયાએ સાઉદી પ્રિન્સ હુસેન સાથે કામ કરવાનું શરૂ કર્યું. અહીં પણ તેમનો સિક્રેટ અફેર ચાલુ રહ્યો. સાસ્કિયાએ જણાવ્યું કે એકવાર તો તેણીએ સાઉદી રાજકુમાર અને તેમની પ્રેમિકા સબિનને હવામાં સંભોગ કરતા પકડ્યા હતા. સાસ્કિયાએ કહ્યું કે, વિમાનની અંદર પ્રિન્સ અને તેમની ગર્લફ્રેન્ડના કપડા પડ્યા હતા અને બંને વાંધાજનક સ્થિતિમાં હતા. સારી વાત એ છે કે સાઉદી રાજકુમારે જોયું નહીં. સસ્કીયાએ આ રાજકુમારની ઓળખ તરીકે હુસેન નામ જ આપ્યું હતું.

જ્યારે સાસ્કિયા આ નોકરીમાં જોડાઇ ત્યારે તેને કહેવામાં આવ્યું કે આ મહિલાઓ માટે સલામત જેટ છે. જેદ્દામાં ફ્લાઇટ એટેન્ડન્ટ્સને મહેલની અંદર જ રાખવામાં આવતા હતા અને શાહી પરિવાર સાથે સંભોગ કરવા માટે તેમને ઘણા પૈસા ચૂકવવામાં આવતા હતા. આ દરમિયાન દર મહિને તમામ છોકરીઓનું એડ્સ માટે પરીક્ષણ કરવામાં આવતું હતું. સાસ્કિયાએ કહ્યું કે એક જર્મન અબજોપતિ સાથે કામ કરતી વખતે તેણે તેના પાલતુ પોપટની સંભાળ રાખવી પડી હતી. જર્મન અબજોપતિ આ પોપટને ખૂબ પ્રેમ કરતો હતો.

સાસ્કિયાએ જણાવ્યું હતું કે આ નોકરીમાં જોડાયા પછી તેને ખૂબ જ મોંધા કપડાં, પગરખાં અને વૈભવી સુટકેસો આપવામાં આવ્યા હતા. નોકરી દરમિયાન સાસ્કિયાએ કેરેબિયન દેશોથી માલદીવ્સની યાત્રા કરી. આ સમય દરમિયાન તેને રોજના ૪૫૦ ડોલર અને રહેવા માટે અલગથી ૧૨૫ ડોલર આપવામાં આવતા હતા. આ જહાજ પર કોઈ રસોઈયો નહોતો તેથી તમામ કેટરિંગનું કામ ફ્લાઇટ એટેન્ડન્ટ્સે જ કરવું પડતું હતું. આમાં દારૂ, ફૂલો વગેરે ખરીદવાનો સમાવેશ થાય છે. વિમાનની અંદર રાંધવા માટેની તમામ સામગ્રી પણ જાતે જ ખરીદવી પડતી હતી. બાદમાં ગ્રાહક બધા પૈસા ચૂકવતો હતો. છ મહિનાની નોકરીમાં સાસ્કિયાએ સાઉદી પ્રિન્સ, રશિયન કુલીનો અને જર્મન અબજોપતિઓ સાથે કામ કર્યું. આમાં ઘણા અબજોપતિ અન્ય લોકો કરતા ઘણા ખરાબ હતા. સાસ્કિયાના આ પુસ્તકના આગમન પછી હવે તે વિશ્વભરમાં ચર્ચામાં છે.