Gujarati News

અમદાવાદ, તા.૨: મોરબીમાં થયેલા અકસ્માત બાદ સમગ્ર ગુજરાતમાં રાજ્યમાં શોકનો માહોલ છે, ત્યારે ઓરેવા કંપનીના મેનેજરનું વિચિત્ર નિવેદન સામે આવ્યું છે. ઓરેવા કંપનીના મેનેજર દીપક પારેખે કોર્ટને જણાવ્યું કે આવી દુર્ભાગ્યપૂર્ણ ઘટના બને તે ભગવાનની ઈચ્છા હતી. મેનેજરનું આ નિવેદન મોરબી પોલીસે કોર્ટ સમક્ષ મુક્યું છે. પીઍ ઝાલા, કેસના તપાસ અધિકારી અને નાયબ પોલીસ અધિક્ષક, મોરબીઍ મંગળવારે કોર્ટને જણાવ્યું હતું કે ઝુલતા પુલના વાયર પર કાટ લાગી ગયો હતો. સમારકામ દરમિયાન તેઓને બદલવામાં આવ્યા ન હતા. જો તેનું સમારકામ કરવામાં આવ્યું હોત તો આ અકસ્માત સર્જાયો ન હોત? 
આ કેસમાં પોલીસે અત્યાર સુધીમાં જાળવણી માટે જવાબદાર નવ લોકોની ધરપકડ કરી છે. તેમાં ઓરેવા કંપનીના મેનેજર દીપક પારેખનો પણ સમાવેશ થાય છે. પારેખે કોર્ટમાં ચીફ જ્યુડિશિયલ મેજિસ્ટ્રેટ અને ઍડિશનલ સિનિયર સિવિલ જજ ઍમ.જે. ખાનને કહ્નાં હતું કે ભગવાનની ઈચ્છા હતી કે આવી કમનસીબ ઘટના બની. ડીઍસપી ઝાલાઍ કોર્ટરૂમમાં કહ્નાં કે બ્રિજ પર કેટલા લોકો હાજર હોવા જોઈઍ, આ બ્રિજ આ ક્ષમતા નક્કી કર્યા વિના અને સરકારની મંજૂરી વિના ૨૬ ઓક્ટોબરે ખોલવામાં આવ્યો હતો. જાળવણી અને સમારકામના ભાગ રૂપે કોઈ જીવન બચાવનારા સાધનો અથવા લાઈફગાર્ડ્સ તૈનાત કરવામાં આવ્યા ન હતા. નીચેનું પ્લેટફોર્મ બદલવામાં આવ્યું હતું. અન્ય કોઈ કામ કરવામાં આવ્યું ન હતું. જો વાયરિંગ બદલવામાં આવ્યું હોત તો અકસ્માત સર્જાયો ન હોત.
પોલીસે કોર્ટ સમક્ષ જે નિવેદનો રાખ્યા છે. તેમણે કહ્નાં કે આખો પુલ વાયર પર હતો અને કોઈ ઓઈલીંગ કે ગ્રીસિંગ કરવામાં આવ્યું ન હતું. વાયર ક્યાં તૂટ્યો? તેઓને ખરાબ રીતે કાટ લાગ્યો હતો. જો ઉદઘાટન પહેલા વાયરિંગનું સમારકામ કરવામાં આવ્યું હોત તો અકસ્માત સર્જાયો ન હોત.
રિપોર્ટ અનુસાર, સરકારી વકીલ ઍચઍસ પંચાલે કહ્નાં કે અત્યાર સુધીની તપાસ દર્શાવે છે કે કોન્ટ્રાક્ટર લાયક ઍન્જિનિયર ન હતો અને તેણે રિપેરિંગનું કામ કર્યું ન હતું. ઍલ્યુમિનિયમના પાટિયાના કારણે પુલ તૂટી પડયો હોવાનું તપાસમાં જાણવા મળ્યું છે.
બચાવ પક્ષના વકીલ અને મેનેજરે આ વાત કહીઃ મેનેજર દીપક પારેખ, દિનેશભાઈ મહાસુખરાય દવે, કોન્ટ્રાક્ટર પ્રકાશભાઈ લાલજીભાઈ પરમાર અને દેવાંગભાઈ પ્રકાશભાઈ પરમાર ઍમ ચાર લોકો વતી સુરેન્દ્રનગરના વકીલ જી.કે.રાવલ હાજર થયા હતા. રિમાન્ડની માંગણી કરવામાં આવી હતી. રાવલે કોર્ટને જણાવ્યું હતું કે બ્રિજની સુરક્ષા સુનિશ્ચિત કરવામાં પારેખની કોઈ ભૂમિકા નથી. આ અંગે પારેખે જજને કહ્નાં કે તે ગ્રાફિક ડિઝાઈનનું કામ જોઈ રહ્ના છે અને કંપનીમાં મીડિયા મેનેજર છે.
પારેખે કહ્નાં, ‘કંપનીના મેનેજિંગ ડિરેક્ટરથી લઈને નીચલા સ્તરના કર્મચારીઓ સુધી, બધાઍ ઘણું કામ કર્યું પરંતુ ભગવાનની ઈચ્છા હતી કે આવી દુર્ભાગ્યપૂર્ણ ઘટના બની.’
કોન્ટ્રાક્ટરોઍ આ રીતે કર્યું કામઃ ઍડવોકેટ જી.કે. રાવલે જણાવ્યું હતું કે કોન્ટ્રાક્ટરો માત્ર વેલ્ડીંગ, ઈલેક્ટ્રીક ફીટીંગ વગેરે જેવા કામો હાથ ધરવા માટે જવાબદાર હતા અને તેઓ પ્રા સામગ્રીના આધારે તે કરે છે. ફરિયાદ પક્ષે ટિકિટ ક્લાર્ક અને સુરક્ષા કર્મચારીઓના રિમાન્ડની માંગ કરી ન હતી જેમની ધરપકડ કરવામાં આવી હતી અને ભીડને નિયંત્રિત કરવામાં નિષ્ફળ ગયા હતા, કારણ કે તેઓ પ્રશિક્ષિત લોકો નથી. 
ફરિયાદીઓઍ જણાવ્યું હતું કે ઓરેવાના બે મેનેજર પુલના સમારકામ અને જાળવણી સંબંધિત કોન્ટ્રાક્ટની દેખરેખની જવાબદારી સંભાળતા હતા અને સમારકામના કામમાં સામેલ હતા. બચાવ પક્ષના વકીલે જણાવ્યું હતું કે બ્રિજની ફિટનેસની ખાતરી કરવામાં બંને સંચાલકોની કોઈ ભૂમિકા નથી. દરમિયાન મંગળવારે મોરબી બાર ઍસોસિઍશને સર્વાનુમતે ઠરાવ પસાર કરી સભ્ય વકીલો વતી આ ઘટનાને લગતા કોઈપણ આરોપીનો કેસ લડવાનો ઈન્કાર કર્યો હતો.