Gujarati News

નવી દિલ્‍હી તા. ૪ : દેશના ઈતિહાસનો સૌથી મોટો એલઆઇસીની આઇપીઓ આજે ખુલ્‍યો છે. હવે ૯ મેં સુધી રોકાણકારો તેમાં રોકાણ કરી શકશે.ﾠનોંધનીય છે કે આ આઇપીઓﾠ૯ﾠમેના રોજ સાંજેﾠ૫ﾠવાગ્‍યા સુધી ખુલ્લો રહેશે. એલઆઇસીનો આઇપીઓﾠખુલતાની સાથે જ રોકાણકારો તેના પર તૂટી પડ્‍યા છે.ﾠહાલમાં, આઈપીઓﾠખુલ્‍યાને અઢી કલાક વીતી ગયા છે અને આ સમયગાળા દરમિયાન પોલિસીધારકોનો હિસ્‍સો સંપૂર્ણપણે ભરાઈ ગયો છે. તે જ સમયે,ﾠઆ સમયગાળા દરમિયાનﾠ૪.૪૩ﾠકરોડ શેર માટે આઇપીઓ ભરાયો છે.

LIC IPOﾠલોન્‍ચ થયાના પહેલા દિવસે અઢી કલાકમાંﾠ૩૧ﾠટકા ઇશ્‍યૂ બુક થયો હતો. શરૂઆતના એક કલાકમાં પોલિસી ધારકોએ તેમાંﾠ૨૪ﾠટકા ભર્યા હતા,ﾠપરંતુ બીજા એક કલાકમાં આ શેરમાં જોરદાર ઉછાળો આવ્‍યો હતો. આઇપીઓﾠખુલ્‍યાના અઢી કલાકની અંદર એટલે કેﾠ૧૨.૩૦ﾠવાગ્‍યા સુધી, પોલિસીધારકોએ તેમનો સંપૂર્ણ હિસ્‍સો એટલે કેﾠ૧૦૦% ભરી લીધો છે. આના પરથી એવો અંદાજ લગાવી શકાય છે કે રોકાણકારો આﾠIPOમાં રોકાણ કરવાની કોઈ તક ગુમાવવા માંગતા નથી.

ﾠજયાં એક તરફ પોલિસીધારકો માટે આરક્ષિત હિસ્‍સો સંપૂર્ણ રીતે ભરવામાં આવ્‍યો છે. તો સાથે સાથે કર્મચારીઓમાં પણ આઈપીઓ અંગેનો ઉત્‍સાહ અટકતો નથી. જયારેﾠ૨૭ﾠટકા કર્મચારીઓએ પ્રથમ કલાકમાં આઇપીઓﾠઆ અઢી કલાકમાં કર્મચારીઓ માટે અનામત શેરﾠ૫૨ﾠટકા સુધી ભરાઈ ગયો હતો. દરમિયાન રિટેલ રોકાણકારોની વાત કરીએ તો તેનેﾠ૩૪ﾠટકા સબસ્‍ક્રિપ્‍શન મળ્‍યું છે.ﾠ

LIC IPOને લઈને રોકાણકારોમાં ઉત્‍સાહ જોવા મળી રહ્યો છે. જયારે ઇશ્‍યૂ શરૂ થયાની દસ મિનિટમાં ૧.૬ મિલિયનથી વધુ શેર માટે રોકાણ કરવામાં આવ્‍યું છે.ﾠત્‍યારે આઇપીઓને એક કલાકની અંદરﾠ૧૨ﾠટકા સબસ્‍ક્રિપ્‍શન મળ્‍યું હતું. કર્મચારીઓ માટે આરક્ષિત શેર આ એક કલાકમાંﾠ૨૭ﾠટકા સુધી ભરાઈ ગયો,ﾠજયારે પોલિસીધારકો માટે આરક્ષિત શેરﾠ૨૪ﾠટકા સુધી ભરાઈ ગયો,ﾠજયારે રિટેલ રોકાણકારોએ અત્‍યાર સુધીમાંﾠ૧૮ﾠટકા સબ્‍સ્‍ક્રાઇબ કર્યું છે. બિન-સંસ્‍થાકીય રોકાણકારોની વાત કરીએ તો,ﾠઅહીંથીﾠIPOને પ્રથમ કલાકમાં ચાર ટકા સબસ્‍ક્રિપ્‍શન મળ્‍યું છે.

ﾠખુલ્‍યાની દસ મિનિટની અંદર,ﾠઇશ્‍યૂનેﾠ૩ﾠટકા સબસ્‍ક્રિપ્‍શન મળી ગયું હતું,ﾠજયારેﾠ૭ﾠટકા કર્મચારીઓનું રિઝર્વ બુક થયું હતું. તે જ સમયે,ﾠસવારેﾠ૧૦.૩૧ﾠવાગ્‍યા સુધી છૂટક રોકાણકારોનો હિસ્‍સો પાંચ ટકા સબસ્‍ક્રાઇબ થયો હતો. આ ઉપરાંત,ﾠપોલિસીધારકો માટે અનામત હિસ્‍સોﾠ૩ﾠટકા હતો અને બિન-સંસ્‍થાકીય રોકાણકારોﾠ૧ﾠટકા ભરાયો હતો.

આﾠIPOનું કદﾠ૨૧ﾠહજાર કરોડ રૂપિયા છે,ﾠજે તેને અત્‍યાર સુધીનો સૌથી મોટોﾠIPOﾠબનાવે છે. આﾠIPOની પ્રાઇસ બેન્‍ડﾠ૯૦૨-૯૪૯ﾠરૂપિયા પ્રતિ શેર નક્કી કરવામાં આવી છે. નિષ્‍ણાતોનું કહેવું છે કે તેમાં રોકાણ લાંબા ગાળા માટે નફાકારક સોદો સાબિત થઈ શકે છે. શેરબજારમાં તેનું લિસ્‍ટિંગﾠ૧૭ﾠમેના રોજ થશે.