Gujarati News

કેપટાઉન, તા.૪ : કોરોના વાયરસને કારણે મોટાભાગના લોકો હજુ પણ ઘરેથી જ કામ કરી રહ્યા છે અને આ સમય દરમિયાન સરકારી અધિકારીઓ અને નેતાઓની મીટિંગ્સ પણ ઝૂમ એપ પર ઓનલાઇન કરવામાં આવે છે. ઝૂમ મીટિંગ દરમિયાન આવી અનેક ઘટનાઓ બની છે જે લોકો માટે શરમજનક બાબત બની છે. આવો જ એક કિસ્સો દક્ષિણ આફ્રિકામાં પણ સામે આવ્યો છે. જ્યારે કોરોનાના વધતા જતા ચેપ અંગેની બેઠક દરમિયાન નેતાની પત્ની કપડા વગર(નગ્ન) પતિની પાછળ ઊભી હતી. બેઠકમાં હાજર બાકીના નેતાઓ અને સાંસદોએ તે જ સમયે નેતાને કહ્યું કે તમારી પત્ની દરેકને તેની સ્ક્રીન પર કપડાં વિના દેખાઈ રહી છે. જેના કારણે તે ખૂબ શરમજનક સ્થિતિમાં મૂકાઈ ગયા હતા. દક્ષિણ આફ્રિકામાં ૨૩ પરંપરાગત નેતાઓની સંસ્થા નેશનલ હાઉસ ઓફ ટ્રેડિશનલ લીડર્સના એક સભ્ય ઝોલીલે નેદેવુ મંગળવારે એક બેઠક દરમિયાન પૂર્વ કેપટાઉનમાં કોરોનાથી મૃત્યુ વિશે વાત કરી રહ્યા હતા.

             ઝોલીલે નેદેવુ જણાવી રહ્યા હતા કે તે કેવી રીતે પૂર્વ કેપટાઉનમાં ડોકટરો સાથે કામ કરી રહ્યા હતા. તે દરમિયાન અચાનક જ તેમની પત્ની કાપડ વગર તેમની પાછળ દેખાઇ. પછી શું મીટિંગમાં હાજર અન્ય નેતાઓએ તુરંત જ નેતાને કહ્યું કે તમારી પાછળ ઊમેલી મહિલાએ યોગ્ય પોષાક પહેર્યો નથી. શું તમે તેમને કહ્યું નથી કે તમે મીટિંગમાં છો. અમે જે જોઇ રહ્યા છીએ તે ખૂબ જ ખલેલ પહોંચાડનારું છે.' જ્યારે નેતાને આ વાતની ખબર પડી ત્યારે તેમણે પોતાનો ચહેરો તેના હાથથી ઢાંકી દીધો અને માફી માંગતા કહ્યું, 'હું ખૂબ જ દિલગીર છું.મારું ધ્યાન કેમેરા પર હતું અને પાછળ શું થઈ રહ્યું છે તે જોયું નહીં. હું ખુબ જ શરમ અનુભવી રહ્યો છું.' તેમણે બીજા દિવસે આ અંગે સ્પષ્ટતા જારી કરી અને કહ્યું, આ ઝૂમ ટેક્નોલોજી અમારા માટે નવી છે અને તેના માટે અમને ક્યારેય તાલીમ આપવામાં આવી નથી. આ આપણા ઘરમાં પણ નવું છે, તેથી આપણે તે શીખીને ગોપનીયતા રાખી શકીએ.