Gujarati News

Gujarati News

News of Tuesday, 4th May 2021

બંગાળ બાદ યુપીની પંચાયત ચુંટણીમાં પણ ભાજપનો સફાયો

પીએમ મોદીના કાશીમાં પણ સપાની જીતઃ રામથી માંડીને કૃષ્ણની નગર સુધી બીજેપીની હાર

લખનઉ, તા.૪: પશ્ચિમ બંગાળના પરિણામોએ તો ભાજપની ઉંદ્ય હરામ કરી છે, ત્યાં વળી યુપીની પંચાયત ચૂંટણીએ એકદમ નિરાશ કર્યા છે. આ ચૂંટણીમાં ભાજપને રાજકીય રીતે મોટો ઝટકો લાગ્યો છે. અયોધ્યાથી લઈને મથુરા તથા કાશી સહિત સમગ્ર રાજયમાં સપાએ ભાજપને બરાબરનો જડબાતોડ જવાબ આપ્યો છે.યુપીના આ ત્રણેય જિલ્લામાં યોગી આદિત્યનાથ સરકારના એજન્ડામાં શામેલ છે તેમ છતાં પણ અયોધ્યા, મથુરા, કાશીમાં મળેલી હારથી ભાજપમાં સોપો પડી ગયો છે.

અયોધ્યામાં ભાજપને ભૂંડી હારનો સામનો કરવો પડ્યો છે. અયોધ્યા જિલ્લા પંચાયચની કુલ ૪૦ સીટો ચે. જેમાંથી ૨૪ સીટો પર સમાજવાદી પાર્ટીની જીત થઈ છે. ભાજપને ફકત અહી નામ માત્રની ૬ સીટ મળી છે. આ ઉપરાંત ૧૨ સીટો પર અપક્ષ ઉમેદવારોને દબદબો રહ્યો છે. ભાજપ અહીં પોતાની હાર માટે ભલે ગમે તેવા દાવા કરે, પણ સત્ય હકીકત એ છે કે, ભાજપને લોકો હવે નકારતા જાય છે.

પ્રધાનમંત્રી મોદીના સંસદીય વિસ્તાર વારાણસીમાં ભાજપની હાલત ચિંતાજનક છે. એમએલસી ચૂંટણીમાં ભાજપને જિલ્લા પંચાયત ચૂંટણીમાં કાશીમાં ભૂંડી હાર મળી છે. અહીં જિલ્લા પંચાયત ચૂંટણીમાં ભાજપને ફકત ૮ સીટો આવી છે. સમાજવાદી પાર્ટીએ ૧૪ સીટો આંચકી લીધી છે. અહીં બસપાએ પણ દમ દેખાડ્યો છે. પાંચ સીટો તેમના ખાતામાં ગઈ છે. ઓમપ્રકાશ રાજભરની પાર્ટીને ૧ સીટ ગઈ છે. તો વળી અપક્ષના ૩ ઉમેદવારોને પણ જીત મળી છે. અહીં ૨૦૧૫થી ભાજપની ભૂંડી હાર થતી આવે છે.

કૃષ્ણનગરી મથુરા જિલ્લામાં વાત કરીએ તો, અહીં પણ ભાજપને હાર મળી છે. મથુરામાં બહુજન સમાજ પાર્ટીએ બાજી મારી છે. અહીં બસપાના ૧૨ ઉમેદવારોએ જીત મેળવી છે. બસપા બાદ આરએલડીને ૯ સીટો મળી છે. તો વળી ભાજપને ફકત ૮ સીટ મળી છે.સપાને એક સીટ તો અપક્ષને ૩ સીટો મળી છે. મથુરામાં તો કોંગ્રેસના સૂપડા સાફ થઈ ગયા છે, ખુદ જિલ્લા અધ્યક્ષ અહીં હારી ગયા છે.

(10:43 am IST)
  • મહેસાણા શહેરની જાહેર જનતાને જણાવવાનુ કે, કોરોના વાયરસના વધતા સંક્રમણને અટકાવવા માટે ગૃહ વિભાગ, ગાંધીનગર (ગુજરાત સરકાર) ના જાહેરનામા ક્રમાંક વિ-૧૧૦૨૦૨૦ ૪૮૨-૭ તા.૪૨૦૨૧ મુજબ તા.૧૨,૦૫/૨૦૧ સુધી ફકત મેડીકલ સ્ટોર, દુધ કેન્દ્ર, કરીયાણાની દુકાની, અનાજ દળવાની ઘંટી તથા જાહેરનામા માં પરવાનગી આખ્યા મુજબના એકમો જ ખુલ્લા રાખી શકાશે. આ સિવાયના તમામ એકમો બંધ રાખવાના રહેશે અને જો જાહેરનામા માં મંજુરી આપ્યા સિવાયના એકમો ખુલ્લા જણાશે તો જાહેરનામા નાં ભંગ બદલની કાર્યવાહી ક૨વામાં આવશે તથા સેવા એકમો સીલ ક૨વામાં આવશે. જેની તમામ વેપારી એકમોએ નોંધ લેવી. access_time 8:58 pm IST

  • આજે પોરબંદરમાં 37 મૃતદેહને ને અગ્નિદાહ આપવામાં આવ્યો જેમાં પાંચ કોરોના પોઝિટિવ હોવાનું જાણવા મળ્યું છે : પોરબંદરમાં સ્મશાન ગૃહ ખાતે પોલીસ બંદોબસ્ત મુકવાની જરૂર છે access_time 10:38 pm IST

  • પશ્ચિમ બંગાળનું સુકાન ત્રીજી વખત સંભાળતા મમતા બેનર્જી.. આજે સવારે તેમણે મુખ્યમંત્રીપદના સોગંદ લીધા તે સમયની તસવીર access_time 11:08 am IST