Gujarati News

નવી દિલ્હી, તા.૬: દિલ્હીના લાજપતરાય માર્કેટમાં સવાર સવારમાં એવી ભયાનક આગ લાગી હતી કે એકસાથે ૫૮ દુકાનો બળીને રાખ થઈ ગઈ હતી અને ૧૩ જેટલી ફેરની ગાડીઓ બોલાવવી પડી હતી.

દિલ્હીના ચાંદની ચોક સ્થિત લાજપત રાય માર્કેટમાં ગુરુવારે વહેલી સવારે આગ લાગી હતી. આગને કાબૂમાં લેવા માટે ૧૩ ફાયરની ગાડીઓ ઘટના સ્થળે પહોંચી ગયા હતા.

લગભગ ત્રણ કલાકની જહેમત બાદ આગ પર કાબુ મેળવ્યો હતો.

લાજપત રાય માર્કેટમાં આગને કારણે ૫૮ દુકાનો બળીને રાખ થઈ ગઈ હતી. કહેવામાં આવી રહ્યું છે કે આ ઘટનામાં કરોડો રૂપિયાનું નુકસાન થયું છે. જો કે આગ લાગવાનું કારણ હજુ સુધી જાણી શકાયું નથી.