Gujarati News

નવી દિલ્હી, તા.૬: કોરોના મહામારીના ઇલાજ માટે બનેલી પહેલી ઓરલ એન્ટી કોવિડ-૧૯ ડ્રગ મોલનુપિરાવિર અંગે ICMR ચીફે ચિંતા વ્યકત કરી છે. આ દવાને ડિસેમ્બરના આખરી સપ્તાહમાં ડ્રગ્સ કન્ટ્રોલર જનરલ ઓફ ઇન્ડિયાએ ઈમરજન્સી યુઝ માટે મંજૂરી આપી હતી. ભારતમાં આ દવાનું નિર્માણ સિપ્લા, સન ફાર્મા અને ડૉ રેડ્ડી લેબોરેટરી કરી રહી છે. આ દવાને અમેરિકા સ્થિત બાયોટેક્નોલોજી કંપની રિડજબેક બાયોથેરેપિક અને અમેરિકન ફાર્મા મર્ક દ્વારા મળીને બનાવવામાં આવી છે.

ઇન્ડિયન કાઉન્સિલ ઓફ મેડિકલ રિસર્ચ (ICMR)ના હેડ ડૉ બલરામ ભાર્ગવે કહ્યું કે, આ દવા ટેરાટોજેનિસિટી અને મ્યુટેજેનેસિટીનું કારણ બની શકે છે. ટેરાટોજેનિસિટી એટલે જ્યારે આ દવા કોઈ ગર્ભવતી મહિલા લે છે તો આ દવાની અસરથી ભ્રૂણથી જોડાયેલા વિકાર અથવા ભ્રૂણના વિકાસમાં સમસ્યા આવી શકે છે. તો મ્યુટેજેનેસિટીનો અર્થ જેનેટિક મટીરીયલમાં થનારા સ્થાયી ફેરફારોથી છે.

પુરુષ અને મહિલાઓ બંને માટે દવા લીધાના ૩ મહિના સુધી ગર્ભનિરોધક પગલાં જાળવવા જોઈએ. કારણ કે ટેરેટોજેનિક દવાના પ્રભાવ હેઠળ જન્મેલ બાળક સમસ્યાથી પીડાઈ શકે છે. તેમણે કહ્યું કે આ દવા સ્નાાયુઓ અને કોમલાસ્થિને પણ નુકસાન પહોંચાડી શકે છે.

ડૉ બલરામ ભાર્ગવે કહ્યું કે આ જ કારણોને લીધે આ દવાને અત્યારસુધી નેશનલ ટ્રીટમેન્ટ પ્રોટોકોલમાં સામેલ કરવામાં આવી નથી. વિશ્વ સ્વાસ્થ્ય સંગઠન અને યુનાઇટેડ કિંગડમેં પણ નેશનલ ટ્રીટમેન્ટ ગાઇડલાઇન્સમાં આ દવાનો સમાવેશ નથી કર્યો. અમેરિકામાં આ ડ્રગને ૧૪૩૩ દર્દીઓના પરીક્ષણ બાદ મંજૂરી આપવામાં આવી છે.

ડૉ બલરામ ભાર્ગવે ઉમેર્યું કે આ દવાના ઉપયોગને લઈને પેનલમાં ચર્ચા થઈ અને વાતચીત પણ ચાલુ છે. આ દવાઓ અંગે કેટલીક ચિંતાઓ છે. સ્તનપાન સમયે આ દવાના ઉપયોગથી બાળકોમાં સોફ્ટ ટીશ્યુ ઇન્જરી, પ્રજનનથી જોડાયેલા સમસ્યા થઈ શકે છે. તેમણે કહ્યું કે અમે આ સંભાવના પર પણ ચર્ચા કરશું કે આ દવાને નેશનલ ટ્રીટમેન્ટ ગાઇડલાઇન્સમાં સામેલ કરવી જોઈએ.