Gujarati News

નવી દિલ્હી, તા.૬: વડાપ્રધાન નરેન્દ્રભાઇ મોદીની અધ્યક્ષતામાં કેબિનેટની બેઠકમાં ઘણા મોટા નિર્ણયો લેવામાં આવી શકે છે. સૂત્રો પાસેથી મળેલી માહિતી અનુસાર, CCEA આજે ચંદીગઢની અલગ ડિસ્કોમ બનાવવા અંગે નિર્ણય લઈ શકે છે. તેનાથી લગભગ ૨.૫૦ લાખ વીજ ગ્રાહકોને ફાયદો થશે. તેમાંથી ૨.૧૪ લાખ લોકો દ્યરગથ્થુ વીજળીનો ઉપયોગ કરી રહ્યા છે જયારે અન્ય કોમર્શિયલ, નાની વીજળી, જાહેર લાઇટિંગ અને કૃષિ જોડાણો માટે છે.

 આ સિવાય ગ્રીન એનર્જી કોરિડોરના બીજા તબક્કાને પણ મંજૂરી મળી શકે છે. તમને જણાવી દઈએ કે કોલસામાંથી વીજળી ઉત્પાદન પર નિર્ભરતા દ્યટાડવા અને વૈકલ્પિક ઉર્જાને પ્રોત્સાહન આપવા માટે ગ્રીન એનર્જી કોરિડોર બનાવવામાં આવી રહ્યા છે.

ચંદીગઢમાં ડિસ્કોમ અંગે આજે નિર્ણય લેવામાં આવી શકે છે. સૂત્રોનું કહેવું છે કે ચંદીગઢને અલગ ડિસ્કોમ મળી શકે છે.ચંદીગઢ વીજળી વિભાગને ખરીદવાની રેસમાં દ્યણી કંપનીઓ સામેલ છે. તેમાં અદાણી ટ્રાન્સમિશન લિમિટેડ, ટાટા પાવર, ટોરેન્ટ પાવર, સ્ટીરેલાઇટ પાવર, રનવે વિન્ડ એનર્જી, એમિનેન્ટ ઇલેકિટ્રસિટી ડિસ્ટ્રિબ્યુશન લિમિટેડ અને એનટીપીસીનો સમાવેશ થાય છે.

તમને જણાવી દઈએ કે કેન્દ્ર સરકાર વિજળી સુધારાને લઈને સતત પગલાં લઈ રહી છે. આ એપિસોડમાં કેન્દ્ર સરકારે ચંદીગઢને લઈને પણ પગલાં લીધાં હતાં. પરંતુ હાઈકોર્ટ દ્વારા વારંવારના પ્રતિબંધને કારણે મામલો લટકી રહ્યો હતો. હવે આ અંગે નિર્ણય લેવામાં આવનાર છે. યુટી પ્રશાસને વર્ષ ૨૦૧૯માં વીજળી વિભાગને ખાનગી હાથમાં સોંપવાની પ્રક્રિયા શરૂ કરી હતી. વર્ષ ૨૦૨૦માં જયારે કોરોનાએ દસ્તક આપી ત્યારે પ્રક્રિયાની ગતિ થંભી ગઈ.

આ પછી, ૯ નવેમ્બર ૨૦૨૦ના રોજ, વહીવટીતંત્રના એન્જિનિયરિંગ વિભાગે ખાનગીકરણ માટે રસ ધરાવતી કંપનીઓ પાસેથી અરજીઓ માંગી. યુટી પાવર મેન યુનિયને આ પ્રક્રિયા સામે પંજાબ અને હરિયાણા હાઈકોર્ટનો સંપર્ક કર્યો હતો. સુનાવણી પછી, હાઇકોર્ટે ૧ ડિસેમ્બર ૨૦૨૦ના રોજ યુટી પ્રશાસનના નિર્ણય પર રોક લગાવી દીધી હતી.