કોરોનાકાળમાં ઘણુ કામ કર્યું : લિંકડ ઇન કંપનીએ ૧૫,૯૦૦ કર્મચારીઓને આપી ૧ સપ્તાહની છુટ્ટી

News of Tuesday, 6th April 2021

કોરોનાકાળમાં ઘણુ કામ કર્યું : લિંકડ ઇન કંપનીએ ૧૫,૯૦૦ કર્મચારીઓને આપી ૧ સપ્તાહની છુટ્ટી

માઇન્ડને રિચાર્જ કરવા તથા તાણ ન રહે તે માટે સ્ટાફને ભેટ

ન્યુયોર્ક,તો ૬: માઇક્રોસોફ્ટની માલિકી ધરાવતી પ્રોફેશનલ સોશિયલ નેટવર્ક કંપની Linkedinએ કોરોનાકાળના આ તબક્કામાં તેના કર્મચારીઓને ભેટ આપવાનો નિર્ણય કર્યો છે. કંપની વિશ્વભરના તેના તમામ કર્મચારીઓને લગભગ એક અઠવાડિયા માટે ચાલુ પગારની રજા આપવા જઈ રહી છે. ૫ એપ્રિલથી તેની શરૂઆત થશે. કંપનીના આ પગલા પાછળનું કારણ છે કે જેથી તેમના કર્મચારીઓ થોડા દિવસ તાણથી દૂર રહે અને પોતાને રિફ્રેશ કરી શકે. સીએનએનના અહેવાલ મુજબ, Linkedinમાં કામ કરતા વિશ્વભરના તમામ કર્મચારીઓને ૫ એપ્રિલથી ચાલુ પગારની અઠવાડિયાની રજા આપવામાં આવશે. આ વીક ઓફની મદદથી કર્મચારીઓને તાણથી દૂર રહેવાની તક મળશે. કંપનીના આ અઠવાડિયામાં લગભગ ૧૫,૯૦૦ કામદારોને રજા આપશે. જો કે, એક મુખ્ય ટીમ એક અઠવાડિયા સુધી કામ કરવાનું ચાલુ રાખશે. આ કર્મચારીઓને પણ આવતા અઠવાડિયે પેઈડ લીવ આપવામાં આવશે. સીએનએનને આપેલા ઇન્ટરવ્યુમાં Linkedinના ચીફ પીપલ ઓફિસર ટ્યુઇલા હેન્સને કહ્યું કે અમે અમારા કર્મચારીઓને કંઈક કિંમતી આપવા માંગીએ છીએ અને અમને લાગે છે કે આ સમયે સૌથી મૂલ્યવાન વસ્તુ સમય છે. તેમણે એમ પણ કહ્યું કે, બધા કર્મચારીઓ એક જ સમયે રજા પર હોવાથી આવી સ્થિતિમાં, ઇમેઇલ, મીટિંગ નોટ્સ અને પ્રોજેકટ વિનંતી જેવા કામનો ભાર તેમની ગેરહાજરીમાં વધશે નહીં. કોરોના રોગચાળો ફેલાયો ત્યારથી કંપની એક વર્ષ કરતા વધુ સમયથી રિમોટલી કામ કરી રહી છે. આ ઉપરાંત કંપની નિયમિતપણે તેના કર્મચારીઓનો સર્વે પણ કરે છે.