Gujarati News

નવી દિલ્‍હી,તા. ૭: વર્લ્‍ડ હેલ્‍થ ઓર્ગેનાઇઝેશન (WHO) એ બાળકો પર વિશ્વની પ્રથમ મેલેરિયા રસીના વ્‍યાપક ઉપયોગની ભલામણ કરી છે. WHO એ તેને વિજ્ઞાન, બાળકોના સ્‍વાસ્‍થ્‍ય અને મેલેરિયા નિયંત્રણ માટે એક મોટી સિદ્ધિ ગણાવી છે. ઘાના, કેન્‍યા અને માલાવીમાં ૨૦૧૯ માં શરૂ થયેલા પાયલોટ પ્રોજેક્‍ટના પરિણામો બાદ RTS, S/AS01 મેલેરિયા રસીની ભલામણ કરવામાં આવી છે.
મેલેરિયાની રસીની ભલામણ અંગેની પ્રેસ બ્રીફિંગમાં WHO ના ડાયરેક્‍ટર જનરલ ટેડ્રોસ અધનોમે જણાવ્‍યું હતું કે મેલેરિયાને રોકવા માટે હાલના પગલાં સાથે, આ રસીનો ઉપયોગ કરીને દર વર્ષે હજારો લોકોનો જીવ બચાવી શકાય છે.
WHO ના વડાએ કહ્યું, ‘આ એક શક્‍તિશાળી નવું હથિયાર છે, પરંતુ કોવિડ -૧૯ રસીની જેમ, આ એકમાત્ર ઉપાય નથી. મેલેરિયા સામેની રસી મચ્‍છરદાની અથવા તાવની સંભાળ જેવા પગલાંની જરૂરિયાતને બદલતી નથી અથવા દ્યટાડતી નથી. ‘મેલેરિયા સંશોધક તરીકેની તેની શરૂઆતની કારકિર્દીને યાદ કરતા ટેડ્રોસે કહ્યું કે તે આ દિવસ માટે આતુર છે કે વિશ્વને આ પ્રાચીન અને ભયાનક રોગ સામે અસરકારક રસી મળશે.' તેમણે કહ્યું કે, આજે તે ઐતિહાસિક દિવસ આવી ગયો છે.
મેલેરિયા ચેપગ્રસ્‍ત માદા એનોફિલિસ મચ્‍છરના કરડવાથી ફેલાય છે. આ મચ્‍છરજન્‍ય રોગના લક્ષણોમાં તાવ, શરદી અને શરદીનો સમાવેશ થાય છે. યોગ્‍ય સારવાર વિના, દર્દીઓની સ્‍થિતિ વધુ ખરાબ થઈ શકે છે અને જીવ પણ જઈ શકે છે. યુએન એજન્‍સી અનુસાર, ૫ વર્ષથી ઓછી ઉંમરના બાળકો સૌથી વધુ પીડિત છે. ટેડ્રોસે કહ્યું કે છેલ્લા બે દાયકામાં વિશ્વભરમાં મેલેરિયા સામે દ્યણી પ્રગતિ થઈ છે, પરંતુ હજુ પણ દર વર્ષે ૨૦૦ મિલિયન લોકો તેનાથી પ્રભાવિત થાય છે અને ૪ લાખ લોકો મૃત્‍યુ પામે છે.