Gujarati News

નવી દિલ્‍હી તા. ૮ : એશિયા કપના સુપર ફોરમાં બુધવારે પાકિસ્‍તાન અને અફઘાનિસ્‍તાન વચ્‍ચે ખૂબ જ રોમાંચક મુકાબલો જોવા મળ્‍યો. આ મેચમાં અફઘાનિસ્‍તાને પ્રથમ બેટિંગ કરતા ૬ વિકેટે ૧૨૯ રન બનાવ્‍યા હતા. જવાબમાં છેલ્લી ઓવરમાં નસીમ શાહે લગાવેલા સતત બે સિક્‍સર પર ટીમે મોટી મુશ્‍કેલીથી જીતનો લક્ષ્યાંક હાંસલ કર્યો હતો. પાકિસ્‍તાન ભલે મેચ જીતી ગયું હોય, પરંતુ તેના ખેલાડીએ જે પ્રકારનું શરમજનક કૃત્‍ય કર્યું તેનાથી ટીમનું માથું સામેથી નીચું થઈ ગયું.

પાકિસ્‍તાન ક્રિકેટ ટીમ એશિયા કપની ફાઇનલમાં પહોંચવામાં સફળ રહી છે. બુધવારે અફઘાનિસ્‍તાન ટીમ સામે ખૂબ જ રોમાંચક મેચમાં, ટીમે શ્રીલંકા સામે અંતિમ મુકાબલો સુનિﾍતિ કર્યો. અફઘાનિસ્‍તાનની ટીમે ઈબ્રાહિમ ઝદરનના ૩૫ રન અને હઝરતુલ્લા ઝાઝાઈના ૨૧ રનની મદદથી ૧૨૯ રન બનાવ્‍યા હતા. આ પછી પાકિસ્‍તાન સામે શાનદાર બોલિંગ કરીને મેચને અંત સુધી ખેંચી લીધી. પાકિસ્‍તાન તરફથી ફઝલ ફારૂકી અને ફરીદ અહેમદે ૩-૩ વિકેટ લીધી હતી અને ૯ વિકેટ પડી હતી. છેલ્લી ઓવરમાં ૧૧ રનની જરૂર હતી અને નસીમ શાહે સતત બે સિક્‍સ ફટકારી ટીમને જીત અપાવી હતી.

પાકિસ્‍તાની બેટ્‍સમેન આસિફ અલી ૧૮.૫ ઓવરમાં ફરીદ અહેમદની બોલ પર મોટો શોટ મારવાનો પ્રયાસ કરતા આઉટ થયો હતો. આઉટ થયા પછી ફરીદે કંઈક કહ્યું અને પછી આસિફ એટલો ગુસ્‍સે થઈ ગયો કે તે બેટ પાછું લેવા પાછો ફર્યો અને ફરીદ તરફ માર્યો. તેણે બેટ ઉપાડ્‍યું અને અન્‍ય ખેલાડીઓ વચ્‍ચે આવીને તેને રોક્‍યો. ક્રિકેટના મેદાન પર આવા શરમજનક કૃત્‍યો સહન કરવામાં આવતા નથી.

આઈસીસીના નિયમો અનુસાર, ખેલાડી પોતાની આક્રમકતાને પોતાના સુધી સીમિત કરી શકે છે. કોઈ પણ ખેલાડી પોતાનો હાથ ઊંચો કરે અથવા વિરોધીને ઈજા પહોંચાડે તે સહન કરવામાં આવતું નથી. આસિફ અલીની આ ઘટના મેચ રેફરી સાંભળશે અને તે પછી પાકિસ્‍તાનના બેટ્‍સમેન પર એક મેચનો પ્રતિબંધ પણ લાગી શકે છે. દંડ વસૂલવામાં આવશે તે નિﾍતિ છે.