Gujarati News

મુંબઈ,તા.૮ : ભાડે આપેલા મકાનમાં જો કોઈ ગેરકાયદે  પ્રવળત્તિ ચાલતી પકડાય તો મકાન માલિકને તેના માટે કેટલા અંશે જવાબદાર ઠેરવી શકાય તે અંગે બોમ્‍બે હાઈકોર્ટે મહત્‍વનો ચુકાદો આપ્‍યો છે. કોર્ટે જણાવ્‍યું છે કે જગ્‍યા કોઈને ભાડે આપી અને તેના માટે કરાર કર્યા બાદ પણ મકાનમાલિક પોતાની  પ્રોપર્ટીનો સંપૂર્ણ કંટ્રોલ ભાડૂઆતને ના આપી શકે. ભાડે આપેલી એક જગ્‍યામાં ચાલતા સ્‍પાની આડમાં ગેરકાયદે  પ્રવળત્તિ ચાલતી હોવાના એક કેસમાં કોર્ટે એમ માનવાનો સ્‍પષ્ટ ઈનકાર કરી દીધો હતો કે મકાનમાલિકને આ અંગે કંઈ ખ્‍યાલ જ ના હોય તેવું અશકય છે.

  જસ્‍ટિસ નીતિન જામદાર અને નીતિન બોરકરે હાલમાં જ આ મામલે મકાનમાલિક સામે થયેલી FIR રદ્દ કરવાનો ઈનકાર કરી દીધો હતો. પોલીસે આ કેસમાં દુકાનના માલિક સામે ઈમોરલ ટ્રાફિકિંગ એક્‍ટ ૧૯૫૬ હેઠળ ગુનો નોંધ્‍યો હતો. જ્‍ત્‍ય્‍ને રદ્દ કરવાની માગ સાથે હાઈકોર્ટમાં થયેલી અરજી અંગે સુનાવણી કરતા બંને જજોએ કહ્યું હતું કે દુકાનના માલિકને ટ્રાયલ કોર્ટ સમક્ષ પોતાનો પક્ષ પુરવાર કરવાનો રહેશે.

 દુકાન માલિકે ભાડે આપેલી  પ્રોપર્ટીમાં સ્‍પાની આડમાં કૂટણખાનું ચાલતું હોવાનું બહાર આવતા પોલીસે ૨૧ ડિસેમ્‍બર ૨૦૨૧ના રોજ આ મામલે ફરિયાદ નોંધી હતી, જેમાં દુકાનના માલિકને પણ આરોપી તરીકે દર્શાવાયો હતો. અરજદારના વકીલે કોર્ટમાં દલીલ કરી હતી કે તેમને પોતાની ભાડે આપેલી  પ્રોપર્ટીમાં શું ચાલી રહ્યું છે તે અંગે કોઈ માહિતી નહોતી. ભાડૂઆતે પણ કબૂલાત કરી છે કે કૂટણખાનું ઝડપાયું ત્‍યારે  પ્રોપર્ટી તેને હસ્‍તક જ હતી, અને પ્રોપર્ટીના માલિકની તેમાં કોઈ સંડોવણી નથી. જોકે, કોર્ટે આ દલીલને માનવાનો સ્‍પષ્ટ ઈનકાર કરી દીધો હતો.

 ઉલ્લેખનીય છે કે, ઘણી જગ્‍યાએ ભાડે આપેલા મકાન કે પછી દુકાનોમાં ગેરકાયદે  પ્રવળત્તિ ચાલતી હોય છે.  પ્રોપર્ટીના માલિકો આવા કિસ્‍સામાં પોતાને કંઈ જાણ નથી તેવું કહીને હાથ અદ્ધર કરી દેતા હોય છે. જોકે, પોલીસ જો તેમની સામે પણ ગુનો નોંધે તો તેમને પણ કાયદાકીય  પ્રક્રિયાનો સામનો કરવો પડી શકે છે તેવું કોર્ટના આ ચુકાદાથી સ્‍પષ્ટ થઈ ગયું છે.