Gujarati News

નવી દિલ્હી :બ્રિટનની મહારાણી એલિઝાબેથના સ્વાસ્થ્યને લઈને ડૉક્ટર ચિંતિત છે. તેમને તબીબી દેખરેખ હેઠળ રાખવામાં આવ્યા છે. આ માહિતી બકિંગહામ પેલેસને લઈને આપવામાં આવી છે. બકિંગહામ પેલેસ દ્વારા જાહેર કરાયેલા એક નિવેદનમાં કહેવામાં આવ્યું છે કે ક્વીન એલિઝાબેથના ડોક્ટરો તેમના સ્વાસ્થ્યને લઈને ચિંતિત છે અને તેમને ડોક્ટરોની દેખરેખમાં રહેવાની સલાહ આપી છે.મહારાણી એલિઝાબેથ 96 વર્ષની છે.

  બ્રિટનના નવા વડા પ્રધાન લિઝ ટ્રુસે પણ આ સમાચાર પર ચિંતા વ્યક્ત કરી છે. તેણે ટ્વીટ કર્યું, “બકિંગહામ પેલેસના સમાચારથી આખો દેશ ચિંતિત થઈ જશે. મારા વિચારો – અને આપણા યુનાઇટેડ કિંગડમના લોકોના વિચારો – આ સમયે રાણી અને તેના પરિવાર સાથે છે

અગાઉ, રાણીએ તેની પ્રિવી કાઉન્સિલની બેઠક રદ કરી હતી અને તેને આરામ કરવા માટે કહેવામાં આવ્યું હતું. ક્વીન એલિઝાબેથ દ્વિતીયે મંગળવારે ઔપચારિક રીતે કન્ઝર્વેટિવ પાર્ટીના નેતા લિઝ ટ્રસને બ્રિટનના નવા વડા પ્રધાન તરીકે નિયુક્ત કર્યા. ટ્રસ 96 વર્ષીય રાણીને મળવા માટે સ્કોટલેન્ડના એબરડીનશાયરમાં તેમના બાલમોરલ કેસલના નિવાસસ્થાને પહોંચ્યા હતા.

પેલેસ કહે છે કે રાણી બાલમોરલમાં છે અને તેનો પુત્ર પ્રિન્સ ચાર્લ્સ અને પૌત્ર પ્રિન્સ વિલિયમ ત્યાં જવા રવાના થયા છે.